Rašeńnie ab vyniasieńni hetaj nazvy partyi na razhlad druhoha pasiadžeńnia XIV źjezda PKB 25 kastryčnika pryniaŭ u niadzielu zakryty plenum CK.
Partyja kamunistaŭ Biełaruskaja moža być pierajmienavana ŭ Biełaruskuju partyju abjadnanych levych «Spraviadlivy śviet».
Rašeńnie ab vyniasieńni hetaj nazvy partyi na razhlad druhoha pasiadžeńnia XIV źjezda PKB 25 kastryčnika pryniaŭ u niadzielu zakryty plenum CK.
Pieršaje pasiadžeńnie źjezda PKB prajšło 23 maja. Na im abmiarkoŭvalisia pytańni pierajmienavańnia partyi, uniasieńnia źmianieńniaŭ u statut, farmatu ŭdziełu ŭ prezidenckich vybarach. Pa vynikach rejtynhavaha hałasavańnia byli vyznačany try varyjanty novaj nazvy PKB — Biełaruskaja partyja levych, Partyja demakratyi i spraviadlivaści i Partyja «Radzima».
«Plenum vyrašyŭ zrabić kampilacyju z hetych troch nazvaŭ, — skazaŭ sakratar CK PKB Valeryj Uchnaloŭ.
— U naźvie my adlustravali, što znachodzimsia ŭ levym śpiektry palityčnych sił. Taksama my spadziajomsia, što ŭ partyju piarojduć ludzi ź inšych struktur abo z partyj, jakija nie projduć rehistracyju. Što da nazvy «Spraviadlivy śviet», to, na naš pohlad, heta sinonim spraviadlivaha, sacyjalistyčnaha, kamunistyčnaha hramadstva, ab imknieńni da jakoha napisana ŭ statucie partyi».
Kamientary