U Minsku adbyłasia sustreča patryjarcha Maskoŭskaha i ŭsiaje Rusi Kiryła z archibiskupam Tadevušam Kandrusievičam mitrapalitam Minska-Mahiloŭskim, paviedamiŭ pres-sakratar Biełaruskaj rymska-katalickaj carkvy ksiondz Alaksandr Amialčenia.
Pavodle jaho słoŭ, razmova adbyłasia viečaram 25 vieraśnia padčas sustrečy patryjarcha Kiryła z hramadskaściu ŭ Pałacy Respubliki, u jakoj braŭ udzieł i mitrapalit Tadevuš Kandrusievič.
«Patryjarch i mitrapalit pryvitali adzin adnaho, paśla čaho pamiž imi adbyłasia pryvatnaja razmova.
Ijerarchi sustrelisia jak staryja znajomyja, jakija dobra viedajuć adzin adnaho. Mitrapalit padkreśliŭ dobryja adnosiny i plonnaje supracoŭnictva, što skłalisia pamiž Biełaruskaj rymska-katalickaj carkvoj i Biełaruskim ekzarchatam Rasiejskaj pravasłaŭnaj carkvy, i pažadaŭ patryjarchu Božaj dapamohi ŭ jaho słužeńni», — adznačyŭ ksiondz Alaksandr.
Jon taksama paviedamiŭ, što mitrapalit Kandrusievič sustreŭsia sa staršynioj adździeła zamiežnych carkoŭnych suviaziaŭ Maskoŭskaha patryjarchatu archijepiskapam Vałakałamskim Iłaryjonam.
«Ijerarchi adznačyli stanoŭčyja vyniki sustreč patryjarcha z moładździu i vykazali radaść, što padobnaja sustreča adbudziecca taksama ŭ Viciebsku. Jany zakranuli temu vizitu archijepiskapa Iłaryjona ŭ Vatykan, jaki adbyŭsia na minułym tydni, i jaho sustrečy z papam rymskim Bieniedyktam XVI, dziaržsakratarom pantyfika kardynałam Tarčyzio Biertonie i kardynałam Valteram Kaśpieram. Mitrapalit Kandrusievič i archijepiskap Iłaryjon padkreślili vialikaje značeńnie takich sustreč i ich spryjańnie katalicka-pravasłaŭnamu dyjałohu», — paviedamiŭ ksiondz Alaksandr.
Kamientary