27 vieraśnia prajšli matčy 21-ha turu čempijanatu Biełarusi pa futbole ŭ vyšejšaj lizie.
Lider čempijanata, barysaŭski BATE, atrymaŭ valavuju pieramohu ŭ Łunincy nad «Hranitam» – 3:1.
Spačatku mikaševickija futbalisty adkryli lik (vyznačyŭsia na 32-j chvilinie Dzianis Saščeka), ale potym piacirazovyja čempijony ŭ druhim tajmie zabili try miačy ŭ adkaz: Vaładźko (49-ja), Kryviec (72-ja), Skavyš (75-ja).
BATE jak minimum harantavaŭ sabie siarebranyja miedali.
Treciuju zapar pieramohu atrymaŭ MTZ-RIPA. Hetym razam kłub pieramoh ziemlakoŭ z «Minska» – 1:0. MTZ vyjšaŭ z trojki aŭtsajderaŭ, što pakinuć pa vynikach čempijanata vyšejšuju lihu.
Inšyja vyniki: «Naftan» – «Dynama» Minsk – 0:2, «Tarpieda» – «Dniapro» – 0:0, «Homiel» – «Dynama» Brest – 3:1, «Šachcior» – «Smarhoń» – 2:0, «Viciebsk» – «Nioman» – 2:1.
Paśla 21 tura: BATE – 50 (20 hulniaŭ), «Dynama» Minsk – 40, «Dniapro» – 33, «Naftan», «Tarpieda», «Šachcior» – 32, «Dynama» Brest, «Homiel» – pa 28, «Nioman» – 27, MTZ-RIPA, «Viciebsk» – pa 25, «Minsk» – 24, «Hranit» – 21, «Smarhoń» – 10 (20 hulniaŭ).
22 tur projdzie 4 kastryčnika.
Kamientary