Kapirajty — dla bahatych i skvapnych», — kažuć muzyki.
Minski rok-hurt Band_A vykłaŭ na svaim sajcie dla biespłatnaha skačvańnia albom «Pazityvy». U albom uvajšli novyja zapisy, a taksama pierazapisanyja pieśni «Revalucyja», «Dzieci», «Chutkija», što źmiaščalisia raniej na CD-zbornikach «Alternatyva.by», «Pieśni Svabody», «Basowiszcza XVII». Pieśnia «Revalucyja» darečy ŭvajšła ŭ top-12 najlepšych piesień 2007 hoda pavodle viersii sajta «Tuzin hitoŭ».
«Kali vam spadabalisia zapisy i vy zachočacie padzialicca imi – hurt budzie tolki «za». Kapirajty — dla bahatych i skvapnych», — kažuć muzyki.
Novuju prahramu jany ciaham hodu «vazili» pa krainie. Vystupy prachodzili ŭ farmacie DIY-kancertaŭ (zakinuli instrumienty i aparaturu ŭ mašyny i pajechali). Za apošnija miesiacy Band_A takim čynam vystupili ŭ Viciebsku, Baranavičach, Mahilovie. Hurt zaprašaje dałučacca da hetaj akcyi maładyja kamandy. Padrabiaźniej pra DIY-akcyju — na sajcie.
Kamientary