Škołam zahadali napisać dyktoŭku z cytataj z Łukašenki. Niekatorym prosta davali śpisać
Dyktoŭka ŭ škołach prymierkavanaja da Dnia narodnaha adzinstva 17 vieraśnia.
«Dzieciam na ŭroku razdali razdrukoŭki, skazali pierapisać i zdać», — dzielicca adzin z baćkoŭ.
Tekst dyktoŭki apublikavany na Nacyjanalnym adukacyjnym partale.
Voś niekalki vytrymak ź jaho:
«17 vieraśnia 1939 hoda vyzvalenčy pachod Čyrvonaj Armii pakłaŭ pačatak doŭhačakanamu abjadnańniu Zachodniaj i Uschodniaj Biełarusi. Hetaja padzieja stała aktam histaryčnaj spraviadlivaści ŭ dačynieńni da biełaruskaha naroda, raździelenaha suprać jaho voli ŭ 1921 hodzie. Tady ŭ vyniku zaklučeńnia Ryžskaha mirnaha dahavora značnaja častka Biełarusi ŭvajšła ŭ skład Polščy. Na praciahu vasiamnaccaci hadoŭ amal čatyry miljony čałaviek, jakija žyli ŭ Zachodniaj Biełarusi, byli pazbaŭlenyja prava havaryć i vučycca na rodnaj movie, raźvivać svaju kulturu i prosta zvacca biełarusami».
«1 vieraśnia 1939 hoda Hiermanija napała na Polšču, pačałasia Druhaja suśvietnaja vajna. Nad žycharami zachodniaj častki Biełarusi navisła pahroza fašysckaj akupacyi. U hetych umovach Čyrvonaja Armija pierajšła saviecka-polskuju miažu i ŭziała pad abaronu nasielnictva Zachodniaj Biełarusi. Ludzi sustrakali vyzvalicielaŭ kvietkami, akazvali im dapamohu».
Dzieciam treba napisać i nastupnuju cytatu Łukašenki: «Kali b nie było hetaha dnia, nie było b našaj krainy i nie było b nas. Heta śviaty dla nas dzień».
Kamientary