«Zadziaŭbałasia być mužykom»: komik Daŭhapołaŭ ździejśniŭ kaminh-aŭt jak niebinarnaja piersona
Adpaviedny dopis, napisany całkam u žanočym rodzie, byŭ apublikavany ŭ sacsietkach Dałhapołava 18 vieraśnia. U tvitary komika paznačany pieravažnyja zajmieńniki «jon/iany/iana»; na dniach tam źjavilisia tvity, napisanyja ŭ žanočym rodzie i ŭ množnym liku
Ja vyrašyła adkrycca jak niebinarnaja piersona pa niekalkich pryčynach: pa-pieršaje, ja prosta za svajo niadoŭhaje, ale ****** [dziaŭbanaje] žyćcio ŭžo ********* [zadziaŭbałasia] być mužykom, mnie heta nikoli nie padabałasia i ŭ apošni čas ja naohuł pierastała razumieć, ***** [navošta] mnie heta treba. Pa-druhoje, heta moj pratest suprać patryjarchatu i kapitalizmu, ja dumaju, što tolki admaŭlajučysia ad svaich pryvilejaŭ i daśledujučy siabie ludzi, jakich hramadstva pieršapačatkova markiruje jak biełych cys — hietera — mužčyn, mohuć stać na bok pryhniečanaj bolšaści ŭ spravie baraćby za svaje pravy.
Pa-treciaje, ja chaču narešcie stać paŭnavartasnym žyvym čałaviekam, chaču stać dabrejšym, ja chaču navučycca vybudoŭvać daviernyja adnosiny ź ludźmi, ja chaču navučycca blizkaści, ja chaču navučycca kachać i być kachanaj, svabodnaj, mocnaj, haračaj, empatyčnaj, hnutkaj, bolš prymajučaj i mienš niebiaśpiečnaj dla blizkich, i mnie zdajecca, što kluč da hetaha lažyć navat nie stolki ŭ daśledavańni majho fieminnaha boku, kolki, u cełym, va ŭciokach z hetaj hiendarnaj turmy, u jakoj nas zamykajuć z samaha naradžeńnia.
Alaksandr Dałhapołaŭ — -adzin z hałoŭnych niezaležnych komikaŭ Rasii. Jon źjechaŭ z Rasii paśla pačatku vajny va Ukrainie i adkryta vykazvajecca suprać dziejańniaŭ rasijskaj ułady.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary