Čechija, jakaja staršyniuje ŭ ES, patrabuje mižnarodnaha trybunału nad Rasijaj
Nahodaj pasłužyła vyjaŭleńnie sotniaŭ ciełaŭ ukraincaŭ, jakija zahinuli padčas akupacyi horadu Izium rasijskimi vojskami.
Paśla vyzvaleńnia horada było znojdzienaje pachavańnie kala 450 čałaviek. Ich cieły ekshumujuć. Paviedamlajecca, što siarod ich šmat cyvilnych, jość žančyny i dzieci. Ukrainskija ŭłady kažuć, što heta tolki adno pachavańnie, i mohuć być znojdzienyja inšyja.
«U XXI stahodździ takija napady na mirnaje nasielnictva niejmaviernyja i ahidnyja […] My nie pavinny zabyvacca pra heta. My vystupajem za pakarańnie ŭsich vajennych złačyncaŭ», — zajaviŭ ministr zamiežnych spraŭ Čechii Jan Lipaŭski.
Raniej u intervju ahienctvu Reuters prezident Ukrainy Uładzimir Zialenski zaklikaŭ śviet i, u pieršuju čarhu, ZŠA «žorstka adreahavać» na vajennyja złačynstvy i pryznać Rasieju dziaržavaj-terarystam abo dziaržavaj-sponsaram teraryzmu.
Na stvareńni trybunału na ŭzor Niurnbierskaha pracesu nad nacysckimi vajennymi złačyncami paśla Druhoj suśvietnaj vajny jašče ŭ sakaviku nastojvali byłyja premjer-ministry Vialikabrytanii Hordan Braŭn i Džon Miejdžar, a taksama šerah inšych palitykaŭ, navukoŭcaŭ i jurystaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary