Biełaruskaja delehacyja na čale ź ministram zamiežnych spraŭ Uładzimiram Makiejem z 21 da 26 vieraśnia voźmie ŭdzieł u 77-j siesii Hienieralnaj Asamblei AAN u Ńju-Jorku, paviedamlaje pres-słužba MZS.
Prahramaj vizitu praduhledžanyja: vystupleńni na ahulnapalityčnaj dyskusii 77-j siesii Hienieralnaj Asamblei AAN, udzieł u sustrečach ministraŭ zamiežnych spraŭ dziaržaŭ — členaŭ ADKB i dziaržaŭ — udzielnic Ruchu niedałučeńnia, ministerskaj sustrečy hrupy siabroŭ u abaronu Statuta AAN, ministerskaj sustrečy hrupy adnadumcaŭ u padtrymku krain ź siarednim uzroŭniem dachodu, padpisańni Kanviencyi ab palahčeńni ŭmoŭ pierasiačeńnia miežaŭ pry Mižnarodnaj čyhunačnaj pieravozcy pasažyraŭ, bahažu, tavarabahažu.
Na palach Hienasamblei zapłanavany šerah dvuchbakovych sustreč Uładzimira Makieja z kalehami ź Jeŭropy, Łacinskaj Amieryki, Paŭdniova-Uschodniaj Azii, kiraŭnictvam arhanizacyi Abjadnanych Nacyj, havorycca ŭ paviedamleńni.
Taksama abvieščana akcyja «Za Makiejem u AAN», praanansavaŭ MZS.
Kali ty školnik, student ci prosta entuzijast u śfiery mižnarodnych adnosin, samy čas zadać pytańnie ab dziejnaści Biełarusi ŭ AAN i atrymać adkaz ad Uładzimira Makieja ź Ńju-Jorkua!
Dasłać svajo pytańnie možna asabistym paviedamleńniem 20 vieraśnia ŭ akaŭntach MZS u fejsbuku, UKantakcie i TikTok. Adpaviedny tematycy pytańnie budzie abrany vypadkovym čynam!
Admietna, što da 22 vieraśnia ŭdzieł u mierapryjemstvach siesii Hienasamblei AAN biare i Śviatłana Cichanoŭskaja.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary