«Tak, my takija, bojciesia nas». Rasijskija prapahandysty raskazvajuć, čamu rasijanam patrebnaja Buča
Na jutubie zjaviłasia videa, dzie rasijski vajenny karespandent Maksim Famin tłumačyć, čamu Rasii vyhadnaja Buča.
Spačatku ŭ roliku rasijski prapahandyst Anatol Kuzičaŭ iranizuje nad tym, što Buča — fejk. Jon ujaŭlaje heta jak mastacki film. «Kroŭ zalivaje ekran, [uźnikaje nadpis] «Buča» — mastacki film», — kaža jon.
Kuzičaŭ kaža pra Buču jak pra fejk, a abvinavačvańni ŭ vajennych złačynstvach tam u bok rasijan ličyć nieabhruntavanymi.
«Ja razumieju, što heta piakielnaja zusim łuchta, i ŭsio heta šniaha, i šłak intelektualny i kulturny i hetak dalej. Ale z tym ža adčuvańniem žachu ja razumieju, što idzie ŭražańnie… i budzie z nahody Bučy poŭny tatalny kansensus [što heta złačynstva Rasii]… Čym my možam pakryć hetuju čortavu, i ŭ tym i ŭ druhim sensie, buču?» — kaža jon.
Na heta jamu adkazvaje vajenny karespandent Maksim Famin.
«Treba vykarystoŭvać siłu praciŭnika suprać jaho. Niemiec, jaki budzie hladzieć «Buču», dzie kryvioju zalivaje ekran, hienietyčnaja pamiać jaho… adrazu… i jon budzie ŭspaminać raspoviedy babuli, dziaduli. Nam treba dapoŭnić rolik. Skažam: tak, my takija. Chłopcy, bojciesia nas, bojciesia nas, chłopcy. Vy chočacie nas takimi bačyć? My vam ciapier jašče bolš pakažam. Chaj jany bajacca», — kaža Maksim Famin.
«Ruski — heta stan dušy. Z nami Boh!» «Usio, rabiaty, usio zaraz pojdzie zusim pa-inšamu!» U pieradačach Kisialova, Sałaŭjova, Skabiejevaj źjavilisia novyja akcenty
«Ukraina niasie ciažkija straty, Rasija ździajśniaje podźvihi, Kijeŭ ukidaje fejki pra pieramohu». Jak rasijskija prapahandysty raskazvajuć pra adstupleńnie z Charkaŭskaj vobłaści
Prapahanda chacieła pakazać «pakajalnaje» videa z «rejkavymi partyzanami». Ale niešta pajšło nie tak
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi13
Kamientary