Biełarusy vystrailisia ŭ čerhi «na sutki», kab zakupicca reštkami H&M
Videa vializnych čerhaŭ da mahazina H&M apublikavała ŭ instahramie Hanna Bond.
«Ja zaŭsiody była ŭpeŭnienaja, što čerhi ŭ sutki, dvoje, a to i troje, zastanucca ŭ 90-ch. Kali na ruce pisali zapaviedny paradkavy numarok, kab kupić choć niešta. Ale my ŭžo ŭ 2022 hodzie, a narod usio toj ža. Nam by pastajać za anučkami. Nu chren ź im, z hetym H&M — na pracu źbirajeciesia?» — napisała Hanna.
Ale na hetym jana nie spyniłasia. U druhim storyz Hanna spytała, čamu ludzi stajać u daŭžeznaj čarzie, i prapanavała varyjanty adkazaŭ: jany biespracoŭnyja, u ich niama «šenhiena», jany na balničnym.
Kramy H&M u Minsku i Hrodnie zakrylisia 3 sakavika na fonie antyvajennych sankcyj samich kampanij suprać Rasii i Biełarusi. U kampanii tady paviedamili, što dumajuć, što rabić dalej.
Usio leta chadzili čutki, što H&M vierniecca. Učora ž było abvieščana, što 19 vieraśnia kramy adkryjucca na karotki pieryjad — kab raspradać reštu tavaraŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary
Hetaj taupoj možno douha jašče pamykać
nie viedaju, što takoje