«Nie pytańnie Kramla». Piaskoŭ admoviŭsia kamientavać zajavu Puhačovaj
U Kramli admovilisia kamientavać zajavu śpiavački Ały Puhačovaj, jakaja paprasiła nazvać jaje «zamiežnym ahientam» i asudziła hibiel rasijskich sałdat na vajnie va Ukrainie.
«Ja nie budu kamientavać nijak hetuju temu. Ja nie dumaju, što heta pytańnie, jakoje niejak maje dačynieńnie da Kramla», — zajaviŭ pres-sakratar prezidenta Rasii Dźmitryj Piaskoŭ na bryfinhu dla presy, adkazvajučy na pytańnie, ci ličać u Kramli aŭtarytetnym mierkavańnie Puhačovaj i ci majuć namier prymać niejkija miery ŭ adkaz.
18 vieraśnia Ała Puhačova apublikavała ŭ Instagram «zvarot u Miniust RF», u jakim paprasiła zaličyć siabie ŭ šerahi «zamiežnych ahientaŭ» uśled za svaim mužam, artystam Maksimam Hałkinym.
Zajava Puhačovaj vyklikała značny rezanans, sabraŭšy bolš za 600 tysiač łajkaŭ. Rasijskija dziaržaŭnyja ŚMI, cytujučy zajavu śpiavački, nie zhadali słoŭ, jakija adsyłajuć da vajny va Ukrainie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
ja bolšie nie słušaju Jan Sieviaryn Bakiej. potomu čto on słušajet, kak nieožidanno okozałoś, hraždanku pievźnier