Sudom Mahiloŭskaj vobłaści pry kancy žniŭnia vyniesieny prysud pa kryminalnaj spravie žychara Babrujska Siarhieja Fisiuka. Jaho abvinavacili pavodle č. 1, art, 130 (ździajśnieńnie dziejańniaŭ, nakiravanych na raspalvańnie sacyjalnaj varožaści pa prykmiecie inšaj sacyjalnaj prynaležnaści).
Spravu razhladała sudździa Iryna Łančava.
Sud pastanaviŭ, što 59-hadovy Siarhiej Fisiuk u vieraśni 2021 hoda, znachodziačysia ŭ Babrujsku, «u tym liku pa miescy pracy, z vykarystańniem mabilnaha telefona ŭ publičnym čacie ekstremisckaha Telegram-kanała raźmiaściŭ kamientaryj z vykazvańniem pabudžalnaha charaktaru, jaki zaklikaje da hvałtoŭnych dziejańniaŭ u dačynieńni da supracoŭnikaŭ pravaachoŭnych orhanaŭ. Kamientaryj tyčyŭsia «spravy Zielcera», kali ŭ vyniku incydentu ŭ kvatery prahramista Andreja Zielcera byŭ zastreleny supracoŭnik KDB Dźmitryj Fiedasiuk».
Sudovy praces pačaŭsia 26 žniŭnia.
Mahiloŭski abłasny sud pryznaŭ Fisiuka vinavatym i na padstavie č. 1 art. 130 Kryminalnaha kodeksa Respubliki Biełaruś pryznačyŭ jamu pakarańnie ŭ vyhladzie pazbaŭleńnia voli na termin try hady z adbyvańniem u papraŭčaj kałonii va ŭmovach ahulnaha režymu.
Mabilny telefon kanfiskavany ŭ dachod dziaržavy.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary