Cyrymonija tranślavałasia ŭ efiry viadučych brytanskich telekanałaŭ. Śćviardžajecca, što 20 młn čałaviek hladzieli tranślacyju pachavańnia pa televizary ŭ Vialikabrytanii, bolš za 4 młrd čałaviek — pa ŭsim śviecie.
Raźvitacca z žančynaj, jakaja kiravała krainaj daŭžej za ŭsich brytanskich karaloŭ i karaleŭ — 70 hadoŭ, u Łondan prybyli 2 młn čałaviek.
Achvotnych akazałasia tak šmat, što čakańnie ŭ čarzie da truny raściahvałasia amal na sutki. Naprykład, futbalist Devid Bekchem prastajaŭ razam z usimi ŭ čarzie bolš za 13 hadzin, pierakusvajučy čypsami i sendvičami.
Paśla zaviaršeńnia publičnaha raźvitańnia ź Jaje Vialikaściu ŭ Viestminstar-chole Viestminstarskaha abactva adbyłasia bolš vuzkaja žałobnaja cyrymonija, u jakoj pryniali ŭdzieł 2000 čałaviek — členy karaleŭskaj siamji, suśvietnyja lidary, VIP-piersony i sotni pradstaŭnikoŭ hramadskaści. Lidary Rasii, Biełarusi, Siryi, Vieniesueły, Afhanistana i Mjanmy nie byli zaprošanyja na cyrymoniju. KNDR, Irak i Nikarahua atrymali zaprašeńni na dypłamatyčnym uzroŭni.
Trunu ź ciełam karalevy pravieźli pa vulicach Łondana. U cyrymonii byli zadziejničany niekalki tysiač vajskoŭcaŭ.
Zaklučnaja častka cyrymonii pachavańnia ŭ kaplicy Vindzarskaha zamka supravadžałasia pachavalnaj pieśniaj u vykanańni samotnaha karaleŭskaha dudara.
Dekan Vindzara biskup Devid Koner, jaki pravodziŭ pachavalnuju słužbu ŭ kaplicy, vymaviŭ psałm 103 z Psałtyra (Psałm Davida pra stvareńnie śvietu), paśla čaho hieroldmajstar Ordena Padviazki (vyšejšaha rycarskaha ordena Vialikabrytanii) Devid Vajns Uajt začytaŭ usie tytuły manarcha.
Panichida pa Lizaviecie II u Vindzary zaviaršyłasia malitvaj archijepiskapa Kienterbieryjskaha Džaścina Uełbi, jaki źjaŭlajecca duchoŭnym kiraŭnikom Anhlikanskaj carkvy. Na cyrymonii prysutničali členy siamji, dziejnyja słužačyja karaleŭskaha dvara i słužačyja ŭ adstaŭcy, premjer-ministr Vialikabrytanii Liz Tras, brytanskija hienierał-hubiernatary, a taksama kiraŭniki ŭradaŭ tych dziaržaŭ, dzie farmalna pryznajuć hałoŭnuju rolu manarcha Złučanaha Karaleŭstva.
Uviečary, 19 vieraśnia, u kaplicy Śviatoha Hieorhija adbyłasia jašče pryvatnaja słužba. Jana prajšła ŭ zakrytym režymie, prysutničać na joj mahli tolki pradstaŭniki kirujučaj dynastyi.
Paśla taho truna ź ciełam karalevy Vialikabrytanii Lizaviety II była apuščanaja ŭ karaleŭski sklep u kaplicy Śviatoha Hieorhija na terytoryi Vindzorskaha zamka. Pachavańnie, takim čynam, zavieršyłasia.
Lizavieta II pamierła ŭ zamku Bałmarał u Šatłandyi 8 vieraśnia. Joj było 96 hadoŭ. Jana kiravała daŭžej za ŭsich u brytanskaj historyi — 70 hadoŭ i 7 miesiacaŭ. Novym manarcham staŭ starejšy syn Lizaviety II, 73-hadovy Čarlz, jaki pryniaŭ imia Karł III.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary
dziak. budzie ŭ mianie zaŭtra adhavorka, čamu ja siońnia na pracu nie pryjšła...
a toje telefanavała siońnia čarhovaja karaleva...
- čamu vy na pracu nie pryjšli? vy chvoraja?
nie, - kažu, - mnie prosta chočacca paspać... stamiłasia ja. i nadakučyła mnie manić.
- da? a tak možno? - sprašivajet očieriednaja lubitielnica pojesť...
Darečy, heta kultura jeŭrapiejskaj krainy, manarchija hetaja, nam nie abaviazkova jaje viedać. Ale heta cikava, i naprykład ŭ mianie vyklikaje pavahu.