«Pa kvaterach, pa numarach»: biełaruskim siłavikam dali ŭkazańnie adsočvać rasijan, jakija chavajucca ad mabilizacyi
Jak stała viadoma «Našaj Nivie», siłaviki atrymali ŭkazańni adnosna taho, jak dziejničać z rasijanami, jakija jeduć u Biełaruś chavacca ad mabilizacyi.
Paśla abviaščeńnia «častkovaj» mabilizacyi ŭ Rasii, rasijanie pryzyŭnych paramietraŭ sprabujuć pakinuć krainu.
U sacsietkach šmat fota i videa čerhaŭ na miežach Rasii ź Finlandyjaj, Manholijaj, Kazachstanam.
Adzin z varyjantaŭ — Biełaruś. Z Rasijaj niama hranicy, rasijskija zakony nie dziejničajuć, inšaja kraina. Adnak varta ŭličvać, što Biełaruś na siońnia padkantrolnaja Rasii dziaržava.
Jak stała viadoma «Našaj Nivie» ź siłavych struktur, užo ŭčora, 21 vieraśnia, biełaruskija siłaviki atrymali vusnaje rasparadžeńnie identyfikavać rasijan, jakija pryjechali schavacca ad mabilizacyi.
«Pakul što na ŭzroŭni vusnych rasparadžeńniaŭ daviedziena nazirać za «kvaterami na sutki», uvachodzić u kantakt z ułaśnikami žylla, — skazaŭ nam apieratyŭnik. — Novyja mašyny ŭ dvarach z rasijskimi numarami taksama zahadali adsočvać. Źbirać infarmacyju, praviarać dakumienty».
Na dumku siłavikoŭ, Biełaruś dazvolić rasijanam chavacca ad udziełu ŭ vajnie?
«Mnie zdajecca, što budziem vydavać. Ahulnaja sistema štrafaŭ to naładžana, a złavić «ukłanista» — plovaja zadača», — kaža aficer.
Prezident Rasii Uładzimir Pucin abvieściŭ ab praviadzieńni mabilizacyi 21 vieraśnia. Heta adbyłosia paśla taho, jak ukrainskija vojski ŭ pačatku miesiaca imklivym nastupam vyzvalili Charkaŭskuju vobłaść i paciaśnili rasijan pad Chiersonam. Inicyjatyva zastajecca ŭ rukach ukrainskaj armii. Ukraincy nastupajuć pad Limanam, ad Kupianska ŭ kirunku na Svatava i praź Biełahoraŭku ŭ kirunku Lisičanska. Rasijskija frantavyja karespandenty pradkazvajuć taksama ŭkrainski ŭdar pad Zaparožžam i kala Daniecka. A ŭ rajonie Davydavaha Brodu i Andrejeŭki ŭkrainskija vojski ad Dniapra adździalaje tolki 10—15 kiłamietraŭ.
Čytajcie taksama: Rasijski aficer raskazaŭ, jak raźvivałasia ŭkrainskaja apieracyja pad Iziumam. Ën nie razumieje, čamu ŭkraincy nie zachacieli zamknuć akružeńnie
My ŭstupajem u momant słabaści Rasii. Dzieviać vysnoŭ z vajny va Ukrainie dla biełarusaŭ
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
A kohda prihłašajut pozihovať v ukrainskij okop, to nado tikať.
Pokazatielno, vmiesto toho, čtoby, čto-to pomieniať v Rośsii v łučšuju storonu, oni tikajut iz niejo.
Poetomu była Rośsija v hriazi i nieustrojennosti, v niej i ostanietsia, dobaviv jeŝio fašistskuju hriaź.
Vłasti Rośsii mało hriazi v niej, lezut i tianut etu hriaź k sosiediam.