Pucin amal paŭdnia čakaŭ Šajhu. Zvarot prezidenta Rasii byŭ zapisany zadoŭha da zvarotu ministra abarony
Padrabiaznaści pra videazvarot, u jakim była abjaŭlenaja mabilizacyja ŭ Rasii.
Spačatku pramova Uładzimira Pucina čakałasia ŭ 20:00, ale zatym tranślacyju stali adkładvać.
U vyniku zvarot byŭ anansavany na ranicu 21 vieraśnia. Ale, jak vyśvietlili «Možiem objaśniť», videa z pramovaj Uładzimira Pucina ab mabilizacyi było hatovaje jašče ŭviečary 20 vieraśnia. Heta vynikaje ź mietadanych fajła.
Rolik, zahružany na sajt prezidenta Rasii, byŭ stvorany ŭ aŭtorak u 22:19. U 5:22 byŭ stvorany PDF-fajł ukaza ab častkovaj mabilizacyi. A ŭ 8:20 — videa ź intervju Siarhieja Šajhu, jakoje było apublikavanaje ŭ Telegram-kanale Minabarony RF.
Tranślacyja pramovy prezidenta pačałasia ŭ efiry rasijskich dziaržkanałaŭ roŭna ŭ 9:00 — heta značyć, amal praz 11 hadzin paśla zapisu. A voś intervju Šajhu było prademanstravanaje ŭsiaho praz hadzinu paśla jaho stvareńnia.
Vierahodna, ukaz dapracoŭvali ŭsiu noč, ale i paśla hetaha ŭ im zastalisia prabieły.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary