Zbornaja Biełarusi pa futbole ŭžo tradycyjna prajhrała. Hetym razam Kazachstanu
U 5-m tury Lihi nacyj kamanda Hieorhija Kandraćjeva prajhrała ŭ haściach zbornaj Kazachstana ź likam 1:2. Heta ŭvohule pieršy projhryš biełarusaŭ kazachstancam u historyi sustreč ich nacyjanalnych zbornych.
Kazachstan zabiŭ pieršy hoł na 29 chvilinie, naprykancy pieršaha tajma, užo ŭ dadadzieny arbitram čas Pavieł Savicki lik zraŭniaŭ, ale na 79-j chvilinie kazachstanski paŭabaronca Bajchijor Zajnutdzinaŭ ustalavaŭ kančatkovy lik.
Biełarusy, takim čynam, z dvuma ačkami zastajucca na apošnim miescy ŭ svajoj hrupie S3 Lihi nacyj. Vyšej im raźmiaščajucca Kazachstan (13 ačkoŭ), Słavakija (6) i Azierbajdžan (4). Słavaki i azierbajdžancy siońnia ŭviečary hulajuć pamiž saboj.
A biełarusam zastajecca zhulać tolki adzin matč — sa słavakami 25 vieraśnia. Jon adbudziecca ŭ horadzie Bačka-Tapola ŭ Sierbii, bo zbornaja Słavakii pryncypova nie zachacieła prymać biełarusaŭ u siabie doma «z-za suśvietnaj palityčnaj situacyi».
Niekalki dzion tamu biełaruskaja zbornaja prezientavała svaju novuju formu. Ale ščaścia, jak vyhladaje, nie prynosić i jana.
Čytajcie taksama:
Futbolnaja zbornaja Biełarusi prezientavała novuju formu
Futbolnaja zbornaja Słavakii nie zachacieła hulać ź biełarusami doma
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary