Takajeŭ pra napłyŭ uciekačoŭ z Rasii: «My pavinny pakłapacicca pra ich i harantavać im biaśpieku»
Prezident Kasym-Žamart Takajeŭ vykazaŭsia ab prytoku rasijan u Kazachstan.
«Kazachskaja prymaŭka kaža: «dobryja adnosiny z susiedziami — zaruka spakoju». Samaje hałoŭnaje, kab my zachoŭvali zhodu z susiednimi krainami. My ad hetaha ničoha nie stracim.
U apošnija dni da nas pryjazdžaje šmat ludziej z Rasii. Bolšaść ź ich vymušanyja źjazdžać z-za biazvychadnaj situacyi. My pavinny prajavić kłopat pra ich i harantavać im biaśpieku.
Heta palityčnaje i humanitarnaje pytańnie. Ja daručyŭ uradu pryniać nieabchodnyja miery».
«U hetaj niaprostaj situacyi treba ŭ pieršuju čarhu prajavić humannaść, ciarpieńnie i arhanizavanaść. U nas niama ni kryzisu, ni paniki. Urad pavinien vykonvać svaju pracu» — dadaŭ Takajeŭ.
Pavodle jaho słoŭ, pryjezdžym budzie akazvacca dapamoha, ale jany nie atrymajuć nijakich prefierencyj.
«My praviadziom pieramovy z rasijskim bokam i budziem vyrašać hetuju prablemu ŭ intaresach našaj krainy».
Z 21 vieraśnia ŭ Kazachstan prybyło na 34 tysiačy rasijan bolš, čym vyjechała — pieravažna mužčyny pryzyŭnoha ŭzrostu.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu12
Kamientary