Niamieckija śpiecsłužby ličać, što padarvanyja trubapravody mohuć vyjści sa stroju nazaŭždy
Niamieckija orhany biaśpieki miarkujuć, što try truby «Paŭnočnaha patoku — 1» i «Paŭnočnaha patoku — 2» buduć nazaŭždy vyviedzienyja sa stroju paśla dyviersii. Kali ich nie adramantavać chutka, u trubapravody patrapić vielmi šmat salonaj vady, što pryviadzie da karozii, paviedamlaje Tagesspiegel sa spasyłkaj na pradstaŭnikoŭ uradu.
Niekalki niamieckich ministerstvaŭ i kancylaryja pravodziać kansultacyi z nahody nastupstvaŭ incydentu.
Niamieckaja palicyja ŭzmocnić kantrol nad terytaryjalnymi vodami Hiermanii, a jaje sudny buduć bolš uvažliva sačyć za adpaviednymi maršrutami krytyčnaj infrastruktury. Akramia taho, fiederalnyja ziemli pavinny ŭzmacnić achovu prybiarežnych rajonaŭ na Paŭnočnym i Bałtyjskim morach. Taksama vyklikaje zakłapočanaść biaśpieka terminałaŭ zvadkavanaha pryrodnaha hazu, a taksama padvodnych i telekamunikacyjnych kabielaŭ.
Jak i Jeŭrapiejskaja kamisija, niamieckija orhany biaśpieki i słužba zamiežnaj raźviedki miarkujuć, što avaryja źjaŭlajecca vynikam dyviersii.
Padobnyja dyviersii mohuć być zroblenyja tolki niejkaj dziaržaŭnaj strukturaj, ličać niamieckija ekśpierty. Padazrajuć Rasiju, adnak jaje matyvy niajasnyja.
Śpiecyjalisty adznačajuć, što isnuje značnaja adlehłaść pamiž tryma miescami, dzie adbylisia ŭciečki. Z-za ich pamieru ŭ trubapravody moža patrapić vielmi šmat salonaj vady.
Incydent pryviadzie da jašče bolšaha pavyšeńnia cen na haz u Hiermanii. Adpaviedna, bienieficyjaram vybuchu moža być Rasija. U toj ža čas Rasija ž paniesła šmatmiljardny ŭron z-za złamanych trubapravodaŭ.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Kamientary