Vałanciorskaja inicyjatyva @spiski_okrestina adznačyła, što pa jaje źviestkach učora, 27 vieraśnia, pa Biełarusi byli zatrymanyja 15 čałaviek.
Proźviščy zatrymanych pieraličanyja ŭ telehram-kanale inicyjatyvy.
«My nie viedajem, u čym pryčyna takich aktyŭnych zatrymańniaŭ učora: retrahradny Mierkuryj, płan za miesiac ci jašče što, ale tolki pa źviestkach vałancioraŭ učora byli zatrymanyja try siamji», — adznačajuć vałanciory.
Pry hetym praktyka pakazvaje, što toje, što robicca viadomym vałancioram — daloka nie ŭsie zatrymańni. Pra mnohija ź ich stanovicca viadoma tolki pastfaktum, ci infarmacyja ŭvohule nie vychodzić na pavierchniu.
Vałanciory nastojliva rekamiendujuć nie chadzić u RUUS i śledčyja orhany biez advakata, pačyścić akaŭnty ŭ sacyjalnych sietkach i zahadzia zaklučyć damovu z advakatam «na ŭsialaki vypadak».
Kamientary