Pientahon: Iranskija drony, jakija vykarystoŭvaje Rasija, akazalisia nie takimi efiektyŭnymi, jak ličyli raniej
Złučanyja Štaty ličać, što prymianieńnie rasijskimi siłami bieśpiłotnikaŭ, atrymanych ad Irana, pakazała ich «šmatlikija niaŭdačy» na pole boju. Pra heta na bryfinhu ŭ piatnicu skazała namieśnica namieśnika ministra abarony ZŠA pa palityčnych pytańniach Saša Bejkier, piša CNN.
«My ŭžo ŭbačyli śviedčańni taho, što bieśpiłotnyja latajučyja aparaty, jakija źviazvajucca ź Iranam, užo paciarpieli šmatlikija niaŭdačy na pole boju va Ukrainie», — skazała čynoŭnica.
Jana dadała, što iranskija drony nie dajuć Rasii technałahičnaj pieravahi ŭ poŭnamaštabnaj vajnie.
«Mierkavańnie, što jany źjaŭlajucca niejkim technałahičnym ryŭkom, kali ščyra, prosta nie paćviardžajecca danymi», — adznačyła pradstaŭnica Pientahona.
U žniŭni stała viadoma, što Rasija atrymała ad Irana «sotni» bieśpiłotnikaŭ, jakija mohuć być vykarystanyja padčas jaje poŭnamaštabnaha ŭvarvańnia va Ukrainu.
Paśla hetaha ŭkrainskija vajskoŭcy nie raz źbivali iranskija bieśpiłotniki, jakija ažyćciaŭlajuć ataki na paŭdniovyja harady.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary