Jak stała viadoma «Našaj Nivie», nadłamany i pamiłavany Juryj Čyž pa vychadzie ź SIZA napisaŭ zajavy ŭ orhany na svaich bližejšych svajakoŭ — syna i jaho žonku. Niezadoŭha da pasadki na niaviestku byŭ pieraaformleny šykoŭny dom u Drazdach.
Juryj Čyž vyjšaŭ na volu na pačatku vieraśnia, pravioŭšy ŭ SIZA paŭtara hoda pa da kanca nie jasnych abvinavačvańniach.
U biznes-kołach ličyłasia, što jaho kašmaryli za niejkija tajamničyja miljony, zaroblenyja, kali «piorła» nafta, a ŭ nastupnym utojenyja.
Farmalnaj pryčynaj staŭ praciah razborak ź Japryncavym-Čukisavym. Čyžu pryjšłosia vykručvacca z pahašeńniem doŭhu pad pahrozaj kanfiskacyi doma ŭ Łahožasku.
Kaniec historyi pra sudovych vykanaŭcaŭ i Čyža: były aliharch pryznaŭ doŭh, a raźlik praviali pa chitraj schiemie
Paśla hetaj apieracyi Čyž padaŭ chadatajnictva ab pamiłavańni i, paśla niekalkich miesiacaŭ čakańnia, atrymaŭ stanoŭčaje rašeńnie.
Voś tolki, vyjšaŭšy na volu, Čyž vyrašyŭ nie spyniać svaich adnosin z orhanami kryminalnaha pieraśledu.
Jak raskazali «Našaj Nivie» rabotniki «Trajpł», Juryj Čyž napisaŭ zajavy na svajho syna i niaviestku.
«Što tam u ich adbyvajecca nie raźbiareš z adlehłaści. Ale Čyž i da pasadki amal razarvaŭ adnosiny z synam i padazravaŭ jaho ŭ niejkaj zdradzie. Ciapier voś vyrašyŭ heta aformić zajavami. Sens u tym, što ŭ jaho nibyta niešta skrali ci padmanuli», — skazaŭ nam rabotnik «Trajpł».
Viadoma, što Čyž pierapisaŭ na niaviestku svoj dom u Drazdach niezadoŭha da svajoj pasadki, na fonie množnych sudoŭ, u jakich byłyja partniory i kontrahienty patrabavali z Čyža vypłat pa daŭhach.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary