Ekstremalny sport u centry Minska + fota

27 vieraśnia majstry chutka i pryhoža pieraadolvać pieraškody ździŭlali svaim majsterstvam minakoŭ.

Ich majsterstva nazyvajecca parkur. Heta umieńnie vałodać svaim ciełam, fizičnaja i kaardynacyjnaja padrychtavanaść da lubym žyćciovych situacyj. Składnikami parkuru źjaŭlajucca siła, chutkaść, tryvałaść, spryt i bałansavańnie.

U niadzielu kala sotni biełaruskich parkurščykaŭ, abo trejsieraŭ, sabralisia ŭ Minsku. U dvorykach i parkach jany znachodzili mahčymaść praz što‑niebudź pieraskočyć abo sihanuć z vyšyni chacia b u paru mietraŭ.

Z dachaŭ padjezdaŭ, cieraz kłumby, pa turnikietach, pa ścienach u Vierchnim horadzie, — kožny skok byŭ daskanałym i admysłovym. Bo ad kožnaha moža zaležyć žyćcio i zdaroŭje trejślera.

Byli, kaniešnie, i traŭmy. Niekalki čałaviek paškodzili kaleni i piatki, a adzin uvohule z trochmietrovaje vyšyni lasnuŭsia na ziamlu śpinaj... Zastaŭsia žyvy i zdarovy, ustaŭ i pabieh skakać z nastupnaha dachu.

***

Ci varta ryzykavać žyćciom dziela pryhožych skokaŭ? Adkazvaje trejsier z 4‑hadovym stažam, Pavał Starun (21 hod):

NN: Što dla takoje parkur dla ciabie?

PS: Parkur heta pieraadoleńnie pieraškodaŭ na chutkaść i pryhažość. Vučyć taho, chto zajmajecca, chutka fizična zaryjentavacca. Kali jakaja‑niebudź ekstremalnaja situacyja, trejsier chutčej zreahuje i pryjdzie na dapamohu. Naprykład, kali pažar na trecim paviersie.

NN: Ale navošta tabie heta?

PS: Z 10 hadoŭ ja maryŭ stać kaskadzioram. Pačaŭ zajmacca parkuram. My z chłopcami skakali, prydumlali roznyja rečy i nazyvali siabie kaskadziorami. Heta była prosta mara, ja nie dumaŭ, što ŭ Biełarusi jość uvohule kaskadziorstva. Adnak siońnia, dziakujučy parkuru, ja pracuju kaskadzioram na Biełaruśfilmie.

NN: Vas milicyja časta turbuje na vulicach horada?

PS: Siońnia adziny raz, kali nas vyhaniała milicyja z našaha miesca. Zvyčajna ŭsio spakojna prachodzić.

NN: A vam nasamreč nie strašna nahu złamać ci jašče što?

PS: Kali ja nie zajmaŭsia parkuram, ja atrymlivaŭ šmat paškodžańniaŭ. Kali pačaŭ zajmacca, navučyŭsia hrupiravacca, padać, navučyŭsia reahavać ŭ roznych situacyjach zusim pa-inšamu.

NN: Siońnia chłopiec u nas na vačach paškodziŭ sabie piatu…

PS: Tak, jon addaŭ mnie svaje krasoŭki, bo maje parvanyja byli..

NN:Časta ŭ vas takija paškodžańni byvajuć?

PS: Adbivańnie piatak i nasočkaŭ byvajuć. Heta zvyčajnaja sprava.

Parkur jak styl žyćcia, dzie kožnaju pieraškodu treba pieraadoleć. Trejsiery ŭmiejuć heta rabić niezvyčajna pryhoža. Adnak nie varta sprabavać paŭtaryć takija truki, kali vy nie majecie admysłovaj fizičnaj padrychtoŭki.

Nastaśsia Šamrej

• 0
• 0
• 0
• 0
• 0
• 0