U Šatłandyi pamiaškańni pačali aciaplać enierhijaj tancoraŭ
Mastackaja halereja «SWG3» u Hłazha zapuściła sistemu aciapleńnia i astudžeńnia, jakaja pracuje na enierhii tancoraŭ. Ciapło ich ciełaŭ pieradajecca praz tancpoł i śpiecyjalnuju vadkaść-nośbit u śvidraviny hłybinioj 200 mietraŭ, jakija možna zaradžać jak ciepłavuju batareju. Zatym enierhija pastupaje da ciepłavych pompaŭ, nahrajecca da patrebnaj tempieratury i pieradajecca ŭ halereju.
«Kali vy tancujecie ŭ siarednim tempie pad Rolling Stones ci niešta padobnaje, vy možacie hienieravać 250 Vt, — kaža Devid Taunsend, zasnavalnik kampanii, jakaja raspracavała novuju technałohiju aciapleńnia. — A kali ŭ vas jość dydžej, jaki krucić basovyja partyi i prymušaje ŭsich skakać, možna hienieravać i 500—600 Vt ciepłavoj enierhii».
Ustalavańnie novaj sistemy aciapleńnia abyšłosia ŭ 600 tysiač funtaŭ sterlinhaŭ. Supracoŭniki halerei adznačajuć, što ciapier jany zmohuć adklučyć hazavyja katły, i heta dazvolić im u razy skaracić kolkaść vykidaŭ vuhlakisłaha hazu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary