Na žycharku Pieciarburha zaviali spravu za zapisku na mahile baćkoŭ Pucina
U Pieciarburhu na 60-hadovuju Irynu Cybaniovu zaviali kryminalnuju spravu z-za zapiski, pakinutaj na mahile baćkoŭ Uładzimira Pucina.
Pra heta «Miedyjazonie» paviedamiŭ jaje syn Maksim Cybanioŭ.
Pavodle jaho słoŭ, žančyna chadziła na mohiłkach 6 kastryčnika, a ranicaj u paniadziełak, 10 kastryčnika, da jaje ŭ kvateru pryjšoŭ palicejski.
«Jana doŭha nie adčyniała, ale ŭ vyniku jon paabiacaŭ uskryć dźviery, i jana adkryła. Jaje pavieźli ŭčora ŭ 15:00 u 35-y adździeł [palicyi]. Tam niešta doŭha muryžyli. U vyniku da nočy jana patelefanavała i skazała, što budzie pieratrus. My adrazu pajechali da jaje dadomu, ale jaje tam nie było. I śladoŭ pieratrusu my nie zaŭvažyli», — raspavioŭ Cybanioŭ.
11 kastryčnika, Irynu Cybaniovu dastavili ŭ Prymorski rajonny sud Pieciarburha. Pa słovach advakata pa pryznačeńni Siarhieja Trusava, spravu suprać jaje zaviali za ździek ź ciełaŭ pamierłych i miescaŭ ich pachavańnia, ździejśnieny pa matyvach palityčnaj, ideałahičnaj, rasavaj, nacyjanalnaj abo relihijnaj nianaviści ci varožaści, a śledstva maje namier chadajničać ab zaklučeńni pad vartu.
«Što ŭ zapiscy, dakładna nie viadoma. Ale jana skazała, što tam pažadańnie zdochnuć», — dadaŭ Maksim Cybanioŭ.
U vyniku 11 kastryčnika sud nie staŭ razhladać chadajnictva ab abrańni miery strymańnia, termin zatrymańnia žančyny praciahnuli na 48 hadzin.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary