Na telekanale Si-en-en vyjšła poŭnaja viersija intervju z Džo Bajdenam. U razmovie z žurnalistam Džejkam Taperam amierykanski prezident, miž inšym, skazaŭ, što nie vieryć, što rasijski prezident Uładzimir Pucin ryzyknie ŭžyć jadziernuju zbroju.
«Ja nie dumaju, što jon zrobić heta. Ja dumaju, što jon biezadkazna kaža pra heta, suśvietny lidar adnoj z najbujniejšych jadziernych dziaržaŭ śvietu kaža, što jon moža ŭžyć taktyčnuju jadziernuju zbroju va Ukrainie», — skazaŭ jon.
Pry hetym Bajden admoviŭsia paviedamić, jak budzie vyhladać adkaz ZŠA, kali Pucin usio ž taki realizuje pahrozy. Pavodle jaho słoŭ, Pientahon zahadzia raspracavaŭ roznyja varyjanty dziejańniaŭ na vypadak padobnaha scenara.
«Heta abmiarkoŭvałasia, ale ja nie źbirajusia ŭ heta ŭdavacca. Było b biezadkazna z majho boku kazać ab tym, što my budziem abo nie budziem rabić», — dadaŭ prezident.
Bajden taksama nie vyklučyŭ mahčymaści pieramovaŭ z Uładzimiram Pucinym na samicie «Vialikaj dvaccatki» na Bali ŭ listapadzie, choć i skazaŭ, što sam ź im sustrakacca nie płanuje.
«Pasłuchajcie, u mianie niama namieru sustrakacca ź im, — skazaŭ Bajden. — Ale, naprykład, kali b jon pryjšoŭ da mianie na samicie G20 i skazaŭ, što choča pahavaryć ab vyzvaleńni [baskietbalistki] Brytni Hrajnier, ja b sustreŭsia ź im. Usio zaležyć ad abstavin».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary