Zatrymali brata tyktokiera Uładzia Biełavusava, taksama błohiera-miljońnika. Videa z kletki apublikavali prosta na jaho staronkach
Andreju Biełavusavu 22 hady, jon adzin z samych papularnych tyktokieraŭ Biełarusi.
Jon raspaviadaŭ, što ŭ ich dobraja siamja, u jakoj usie adno adnaho padtrymlivajuć. Padtrymlivali i zachapleńni abodvuch bratoŭ.
Ź dziacinstva chłopiec hulaŭ u chakiej na travie, jak i jaho brat Uładź, ale praz prablemy z sercam nie zdoleŭ praciahnuć karjeru. Paśla jon vučyŭsia ŭ BDUFK i žyŭ u internacie, ale adličyŭsia na čaćviortym kursie.
Kab zarablać hrošy, jamu daviałosia papracavać bilecioram u kinateatry za 300 rubloŭ, ale ŭ vyniku jany z bratam stali prafiesijnymi błohierami. Pra pačatak karjery jon kazaŭ tak:
«Dzieści z 40 tysiačaŭ padpisčykaŭ prychodziać rekłamadaŭcy i prapanujuć supracoŭnictva. Pamiataju svoj pieršy zakaz: treba było prosta paruchacca pad novy trek Cimy Biełaruskich. Mnie zapłacili ŭsiaho 5 rubloŭ. Ja tady pracavaŭ bilecioram u kinateatry i byŭ rady navat takoj sumie».
Nieŭzabavie jaho staronki «vystralili», i tyktokier łavinapadobna nabraŭ padpisantaŭ.
Ciapier na jaho padpisanyja 1,8 miljona čałaviek u tyktoku, bolš za 330 tysiač na jutubie i bolš za 220 tysiač u instahramie.
Miarkujučy pa ŭsim, jaho zatrymali na minułym tydni razam z bratam i ich ahulnym siabram.
U videa z kletki ŭ milicejskim učastku, jakija siłaviki apublikavali na jaho staronkach, jaho prymusili skazać, što ŭdzielničaŭ u pratestach u 2020 hodzie, a taksama, što jamu «prapanavali vialikija hrošy za toje, kab sfatahrafavacca ź bieła-čyrvona-biełym ściaham, ale jon nie zhadziŭsia».
Hubazikaŭcy paviedamlajuć, što na jaho zaviedzienaja kryminalnaja sprava.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary