Brender: «My chočam, kab Biełaruś zrabiła kroki ŭ napramku palapšeńnia stasunkaŭ ź ES»
«Adnosinam pamiž Respublikaj Biełaruś i Jeŭrasajuzam pieraškadžaje adsutnaść žadańnia Biełarusi ruchacca da demakratyzacyi».
Pra heta zajaviŭ namieśnik kiraŭnika adździeła pa supracoŭnictvie z Respublikaj Biełaruś, Małdovaj, Ukrainaj i krainami Paŭdniovaha Kaŭkaza hienieralnaha dyrektara Jeŭrakamisii pa zamiežnych suviaziach Rajnchold Brender na pres‑kanfierencyi ŭ Minsku 2 kastryčnika.
Brender padkreśliŭ, što Jeŭrasajuz zrabiŭ šerah stanoŭčych krokaŭ va ŭzajemaadnosinach ź Biełaruśsiu, u tym liku prypyniŭ sankcyi ŭ dačynieńni da biełaruskich uładaŭ. Niekatoryja aktyŭnyja kroki byli zrobleny i z boku Biełarusi, u pryvatnaści, vyzvaleńnie ŭsich paliviaźniaŭ.
«My tut, kab zajavić pra zacikaŭlenaść ES va ŭzajemaadnosinach. Nam by chaciełasia razmarozić Damovu ab partniorstvie i supracoŭnictvie, aktyvizavać handlovaje supracoŭnictva, pavialičyć finansavuju dapamohu, jakaja siońnia značna mienšaja, čym u inšych krainach «Uschodniaha partniorstva». Taksama, nam by chaciełasia pavialičyć kantakty ź ludźmi i palepšyć pytańnie vizavaha režymu.
My zacikaŭleny, kab ludzi pierasiakali miažu bieź lišnich farmalnaściaŭ i kantaktavali ź ludźmi inšych krainaŭ», - zaznačyŭ jeŭračynoŭnik
Pradstaŭnik Jeŭrakamisii vykazaŭ zaniepakojenaść situacyjaŭ sa svobodaj ŚMI ŭ Biełarusi, a taksama z mahčymaściu samarealizacyi hramadzianskaj supolnaści i mahčymaści svobodnaj pracy biełaruskich partyj.
«Što nam pieraškadžała ruchacca napierad — heta adsutnaść žadańnia ruchacca da demakratyzacyi. My chočam, kab Biełaruś zrabiła kroki ŭ nakirunku palapšeńnia ŭzajemaadnosinaŭ ź ES» — skazaŭ Rajnchold Brender.
«Uschodniaje partniorstva» źjaŭlajecca novaj stratehičnaj inicyjatyvaj ES, jakaja pačynaje novy raździeł va ŭzajemaadnosinach z uschodnimi krainami‑susiedziami, u tym liku i Biełaruśsiu, šlacham dalejšaha supracoŭnictva i nabližeńnia da ES. Napraciahu niekalnik miesiacaŭ, paśla dnia aficyjnaha abjaŭleńnia dadzienaj inicyjatyvy ŭ traŭni 2009 hodu, pamiž ES i krainami‑susiedziami pačałosia farmavańnie dyjałoha ŭ novym farmacie supracoŭnictva.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary