SBU zatrymała žycharoŭ Mikałajeva pa abvinavačvańni ŭ dziaržaŭnaj zdradzie. Jany zdymali siužety dla rasijskich ŚMI
Słužba biaśpieki Ukrainy paviedamiła ab zatrymańni ŭ Mikałajevie dvuch miascovych žycharoŭ, jakich padazrajuć u supracoŭnictvie z rasiejskimi vajskoŭcami i prapahandystami, paviedamlaje Bi-bi-si.
Mužčyny byli zavierbavanyja rasijskimi śpiecsłužbami paśla pačatku vajny i dla maskiroŭki pazicyjanavali siabie ŭ jakaści błohieraŭ, «jakija infarmujuć hramadzian ab unutranaj abstanoŭcy ŭ Mikałajeŭskaj vobłaści».
«U vyniku śledča-apieratyŭnych mierapryjemstvaŭ supracoŭniki SBU ŭstanavili «suviaznych» rasijskaj ahientury. Imi akazalisia niekalki pradstaŭnikoŭ infarmacyjnaha ahienctva Kramla RIA «Naviny», — paviedamiŭ śpikier SBU Arciom Dziechciarenka.
RIA Naviny i rasijskija ŭłady nie kamientavali hetyja abvinavačvańni.
Pavodle źviestak SBU, błohiery tajemna zdymali zakaznyja siužety dla rasijskich dziaržaŭnych ŚMI. Akramia taho, jany nibyta zaklikali da «zachopu paŭdniovaha rehijonu i likvidacyi kiraŭnictva abłasnoj vajennaj administracyi». Jany taksama pavinny byli źbirać raźviedźviestki ab miescach časovaj dysłakacyi i pierasoŭvańniach vajskoŭcaŭ u pryfrantavych rajonach, za što atrymlivali finansavuju ŭznaharodu, zajaŭlajuć u SBU.
Dvoje žycharoŭ Mikałajeva aryštavanyja pa padazreńni ŭ dziaržaŭnaj zdradzie (č.2 art. 111 Kryminalnaha kodeksa Ukrainy).
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary