Hramadstva1

U minskich univiermahach źnikli źnižkavyja akcyi. Z čaho heta?

U dziaržaŭnaje ahienctva «Minsk-Naviny» źviarnułasia čytačka i pacikaviłasia, čamu va ŭniviermahach Minska admianili ŭsie źnižki. Ahienctva, u svaju čarhu, pieraadrasavała hetaje pytańnie infacentram handlovych abjektaŭ. Voś što jany adkazali.

Minski CUM

«CUM Minsk»

«Źnižki admianili nie tolki ŭ našaj kramie, ale, dumaju, tak zrabili ŭsie ŭniviermahi Minska. My zrabili heta z paniadziełka, 24 kastryčnika, — patłumačyła supracoŭnica infacentra CUMa. — Vyjšaŭ dakumient (havorka idzie pra pastanovu Saŭmina ad 19 kastryčnika 2022 hoda № 713 «Ab sistemie rehulavańnia cen»), ciapier idzie ŭrehulavańnie cen, tamu źnižak niama».

Na zaŭvahu supracoŭnika «Minsk-Navinaŭ», što ceny zabaroniena pavyšać, a nie panižać, žančyna adkazała:

«Dyk ich i panižajuć, nakolki heta mahčyma. Idzie pieraacenka tavaru, tamu źnižki admienienyja».

«Kirmaš»

«U nas admianili źnižki, tamu što vy ž, napeŭna, čuli pra pastanovu ŭrada «Ab sistemie rehulavańnia cen». My źmienšyli ŭsie handlovyja nadbaŭki da minimumu, tamu ŭžo nie majem mahčymaści davać źnižku». 

U toj ža čas u hetym handlovym abjekcie adznačyli, što cana tavaru ŭ ich i tak značna źniziłasia, bo, maŭlaŭ, źmienšyłasia handlovaja nadbaŭka. «Viadoma, ceny źnizilisia ŭ zaležnaści ad pastaŭščyka, pryčym na roznyja tavary nadbaŭka adroźnivajecca», — prakamientavali va ŭniviermahu.

Handlovy dom «Na Niamizie»

«Jašče ŭčora my prapanoŭvali źnižku ŭ 30%. Ale siońnia, 26 kastryčnika, prypynili ich. Heta zahad ad univiermaha «Biełaruś» — našaha hałaŭnoha pradpryjemstva. Zaraz viadziom pieraacenku ŭsiaho tavaru», — raskazali va ŭniviermahu.

HUM 

«Na žal, z 24 kastryčnika ŭsie źnižki admienienyja ŭ suviazi z rehulavańniem cen. Idzie pierahlad handlovych nadbavak, adpaviedna, pierahladajecca i pieraaceńvajecca ŭvieś tavar. Naturalna, jon robicca bolš tannym. Adnak pa našaj dyskontnaj kartcy źnižka jakraz zastałasia. U zaležnaści ad sumy nakapleńniaŭ vy možacie jaje atrymać.

Ale znoŭ-taki, kali hety tavar maje handlovuju nadbaŭku da 35%, to źnižka nie raspaŭsiudžvajecca. Ale pra toje, što tam, 35% abo bolš, možna daviedacca tolki ŭ kasira», — rastłumačyli ŭ HUMie.

Čytajcie taksama:

Urad zaćvierdziŭ novuju sistemu rehulavańnia cen — jak na biełaruskaje, tak i na impart

MARH raspracavaŭ formu ŭzhadnieńnia cenaŭ

Kamientary1

  • a.hto.tam.idze
    26.10.2022
    Čytajemo vieršy Maršaka...

«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3

«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary

Usie naviny →
Usie naviny

Biełarusu dasłali hihanckuju pasyłku. Tam akazaŭsia ruchavik ad viertalota

Jakaja majomaść jość u Dźmitryja Krutoha — novaha kiraŭnika Administracyi Łukašenki?10

Stała viadoma, dzie budzie pracavać Siarhiej Alejnik4

«Heta było fijaska biełaruskaj dypłamatyi» — Łatuška pra adstaŭku Alejnika8

Z ZŠA viartajecca Natalla Piatkievič — i adrazu pieršaj namieśnicaj kiraŭnika Administracyi prezidenta30

Kiraŭnikom Administracyi Łukašenki staŭ Dźmitryj Kruty2

«Byŭ jašče toj frant!» Nieviadomyja fakty pra Pietrusia Broŭku

Na biełaruska-litoŭskaj miažy adbyŭsia pavietrany boj. U im syšlisia drony pamiežnikaŭ i kantrabandystaŭ5

Siarhiej Alejnik pakidaje pasadu ministra zamiežnych spraŭ12

bolš čytanych navin
bolš łajkanych navin

«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3

«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary

Hałoŭnaje
Usie naviny →