Na biełaruskich darohach źjaviacca intelektualnyja transpartnyja sistemy
Intelektualnyja transpartnyja sistemy źjaviacca ŭ Biełarusi, adpaviednaja pastanova №724 zaćvierdžanaja ŭradam, paviedamlajecca na Nacyjanalnym pravavym internet-partale.
Adznačajecca, što sistemy pavinny sadziejničać zabieśpiačeńniu biaśpieki darožnaha ruchu, pavyšeńniu efiektyŭnaści arhanizacyi darožnaha ruchu, pavyšeńniu jakaści transpartnaj dziejnaści, płanavańnia i kiravańnia transpartnaj infrastrukturaj.
Siarod zadač intelektualnych transpartnych sistem:
- manitorynh darožnaha ruchu;
- arhanizacyja darožnaha ruchu;
- infarmavańnie ŭdzielnikaŭ darožnaha ruchu;
- arhanizacyja elektronnaj apłaty transpartnych pasłuh;
- manitorynh transpartna-ekspłuatacyjnaha stanu aŭtamabilnych daroh i vulic nasielenych punktaŭ, umoŭ nadvorja i stanu navakolnaha asiarodździa i inš.
Kaardynavać stvareńnie i raźvićcio sistem budzie Ministerstva transpartu i kamunikacyj, a taksama miascovyja ŭłady. Akramia taho, paŭnamoctvy ŭ dačynieńni da sistem na darohach i vulicach u častcy zabieśpiačeńnia biaśpieki i efiektyŭnaści arhanizacyi darožnaha ruchu atrymaje MUS.
Čytajcie taksama:
Pavysiać maksimalnuju chutkaść, vyznačacca z elektrasamakatčykami. Jakija źmieny ŭ PDR pačnuć dziejničać
«Biełdarcentr» zakryŭ dostup da sotniaŭ darožnych kamier
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary