Ekskursavodaŭ buduć atestoŭvać na 5 hadoŭ, ale palityčna nienadziejnych da ekzamienaŭ nie dapuściać
Z nastupnaha hoda ŭ Biełarusi ekskursavodaŭ i hidaŭ-pierakładčykaŭ buduć atestoŭvać terminam na piać hadoŭ, piša BiełTA sa spasyłkaj na dyrektara Departamienta pa turyźmie Minsportu i turyzmu Biełarusi Irynu Varanovič. Ale palityčna nienadziejnych da atestacyi prosta nie dapuściać.
Pavodle čynoŭnicy, da atestacyi
nie dapuściać tych, u kaho jość sudzimaść za ŭčynieńnie «złačynstvaŭ, nakiravanych na prapahandu vajny, raspalvańnie rasavaj, nacyjanalnaj varožaści, abrazu prezidenta, inšych pradstaŭnikoŭ ułady, ździek ź dziaržaŭnych simvałaŭ i inšaje». Faktyčna heta treba razumieć, što ŭsim byłym palitviaźniam, niezaležna ad kvalifikacyi, šlach u hetuju prafiesiju budzie zakryty.
Ekzamien zmohuć zdavać tolki tyja ludzi, jakija pastajanna žyvuć u Biełarusi. U ich pavinna być vyšejšaja albo siaredniaja śpiecyjalnaja adukacyja abo jany pavinny prajści nie mienš za try kursy adukacyjnaj prahramy bakałaŭryjatu.
Ekzamien budzie składacca z kampjutarnaha testavańnia i vusnaha sumoŭja. Tym, chto prajšoŭ vyprabavańni, vydaduć paśviedčańnie, pieralik temaŭ ekskursij i bejdž.
Paśviedčańnie budzie davacca na piać hadoŭ, paśla jaho treba praciahvać. Ale dziejańnie paśviedčańnia mohuć prypynić na termin da hoda — kali źjaviacca «abhruntavanyja skarhi z boku fizičnych i jurydyčnych asob na jakaść absłuhoŭvańnia». Biez bejdža z 1 studzienia 2023 hoda ekskursavod pravodzić ekskursii nie zmoža.
Nacyjanalny rejestr ekskursavodaŭ i hidaŭ-pierakładčykaŭ budzie farmiravać i vieści Minsportu i turyzmu.
Čytajcie taksama:
Jak budzie vyhladać atestacyja ekskursavodaŭ z nastupnaha hoda
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary