Va USU sprahnazavali, jakija «niaprostyja rašeńni» padrychtavała rasijskaja armija na Chiersonščynie
Rasijskaja Fiederacyja padčas sychodu ź levaha bieraha Chiersonščyny moža źviarnucca da padryvu žyłych masivaŭ, kab pieratvaryć akupavanuju joj terytoryju ŭ vypalenuju ziamlu, paviedamiŭ namieśnik načalnika hałoŭnaha apieratyŭnaha ŭpraŭleńnia Hienštaba USU hienierał Alaksiej Hromaŭ padčas bryfinhu.
«Uličvajučy adsutnaść u tak zvanaj druhoj armii śvietu humannaści i zachavańnia mižnarodnych kanviencyj, a taksama patałahičnuju chłuśniu ŭsich kramloŭskich palitykaŭ i prapahandystaŭ, praciŭnik moža pryniać «niaprostyja rašeńni», — miarkuje Hromaŭ.
Pavodle jaho, najbolš vierahodna, što padčas adstupleńnia praciŭnik, akramia masavaj evakuacyi, moža źviarnucca da praviadzieńnia sieryi teraktaŭ z padryvam žyłych masivaŭ, pieratvareńnia časova im akupavanaj terytoryi ŭ vypalenuju ziamlu z paškodžańniem infrastruktury.
Uličvajučy apošnija infarmacyjnyja ŭkidy RF ab «brudnaj bombie», nie vyklučajecca taksama, što akupanty mohuć arhanizavać padryvy na Zaparožskaj atamnaj elektrastancyi z metaj jaje kančatkovaha vyvadu sa stroju i pravakavańnia łakalnaj technahiennaj katastrofy z abvinavačvańniem u hetym Ukrainy, ličyć Hromaŭ.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary