Amierykanski repier Kańje Uest (aficyjna źmianiŭ imia na Jie) chacieŭ dać nazvu Hitler svajmu albomu, jaki vyjšaŭ u 2018 hodzie i ŭ vyniku atrymaŭ nazvu Ye. Pra heta raskazali adrazu čatyry krynicy CNN. Čamu Uest źmianiŭ svaje płany nakont nazvy, jany nie viedajuć.
Čałaviek, jaki raniej pracavaŭ z Uestam i zvolniŭsia paśla skarhaŭ na varožuju abstanoŭku na pracoŭnym miescy, raspavioŭ, što repier havaryŭ pra čytańnie knihi Hitlera Mein Kampf i zachaplaŭsia tym, jak u nacysckaj Hiermanii vykarystoŭvali prapahandu.
«Jon chvaliŭ Hitlera, kažučy, jak nievierahodna toje, što jon zmoh zasiarodzić u svaich rukach stolki ŭłady, i kazaŭ pra ŭsie vialikija rečy, jakija jon i nacysckaja partyja damahlisia dla niamieckaha naroda», — skazała krynica CNN, dadaŭšy, što blizkaje koła Uesta viedała pra jahonuju cikavaść da Hitlera.
Niekalki tydniaŭ tamu były žurnalist vydańnia TMZ Ven Łetan, jaki ŭ 2018 hodzie raskrytykavaŭ Uesta za jahonyja słovy ŭ intervju TMZ pra toje, što 400 hadoŭ rabstva ŭ ZŠA byli «vybaram» ciemnaskurych, zajaviŭ, što Uest zhadvaŭ Hitlera i tady.
«Jon skazaŭ niešta nakštałt: «Ja lublu Hitlera, ja lublu nacystaŭ». Niešta ŭ hetym rodzie, kali jon byŭ tam. I jany prybrali heta ź intervju pa niejkaj pryčynie. Heta było nie majo rašeńnie», — śćviardžaje Łetan.
Kańje Uest staŭ hetaj vosieńniu hierojem šerahu skandałaŭ. U pačatku kastryčnika jon źjaviŭsia ŭ futbołcy White Lives Matter, jakaja adsyłaje da nazvy Ruchu za pravy ciemnaskurych Black Lives Matter. Taksama jon namiaknuŭ u pierapiscy z repieram Šonam Kombsam, što taho kantralujuć upłyvovyja jaŭrei, i napisaŭ u tvitary, što pierachodzić «u śmiarotny režym suprać jaŭrejskaha naroda».
Uesta abvinavacili ŭ antysiemityźmie. Supracoŭnictva ź im spynili brendy Adidas, Balenciaga i halivudskaje ahienctva CAA. Twitter i Instagram nakłali abmiežavańni na staronki repiera.
Čynoŭniki prydumali niezvyčajny sposab utrymać školnikaŭ ad pastupleńnia za miažu2
Čynoŭniki prydumali niezvyčajny sposab utrymać školnikaŭ ad pastupleńnia za miažu
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju9
Kamientary