Zubra na miažy Minskaj i Bresckaj abłaściej pastavili na ramont
Zubr la trasy M1 užo amal 20 hadoŭ sustrakaje ŭsich, chto zajazdžaje ź Minskaj u Bresckuju vobłaść, i pravodzić u advarotnym kirunku. Skulptura pastaŭlenaja kala trasy M1 pablizu vioski Pietkavičy Baranavickaha rajona jašče ŭ 2003 hodzie, piša miascovaje vydańnie «Naš kraj».
Mietaličny kałos uražvaje svaimi pamierami — 70 ton vahi, 28 mietraŭ «ad rahoŭ da chvasta», 20 mietraŭ «ad ziamli da končyka harba», što prykładna roŭnaje vyšyni šaścipaviarchovaha doma. Kaliści hetuju pracu, jakaja za stolki hadoŭ stała adnym ź simvałaŭ Brestčyny, zrabili rabotniki Pinskaha sudnabudaŭniča-sudnaramontnaha zavoda.
Ciapier pryjšoŭ čas pastavić skulpturu na ramont. Dyrektar rajonnaj słužby ŽKH, jakaja pryhladaje za stanam zubra-pomnika, tłumačyć:
«Było vyrašana pravieści płanavuju pravierku stanu švoŭ mietaličnaj kanstrukcyi, padfarbavać skulpturu, kab nadać joj bolš reśpiektabielny vyhlad. Pry abśledavańni vyśvietliłasia, što siakija-takija mietaličnyja listy treba budzie zamianić, dzieści pieravaryć švy, apracavać skulpturu zubra ŭnutry».
Ramontnyja raboty vykonvaje bresckaje pradpryjemstva «Brestpramalp».
-
Hajdukievič paabiacaŭ zrabić u domie Pavuka ŭ Akciabrskim hramadskuju pryjomnuju svajoj partyi
-
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva
-
«Vidavočna, kolkaść skarocicca». Jak adabjecca na stanie Katalickaj carkvy zadumanaja ŭładami pierarehistracyja parafij?
Kamientary