Biełarus u Maskvie razdušyŭ samazvałam taksi i ŭciok. 27-hadovaha ŭradženca Kalinkavič šukajuć
Ranicaj 11 kastryčnika ŭ Maskvie adbyłosia strašnaje DTZ, u jakim zahinuli kiroŭca i pasažyrka taksi. Mierkavany vinoŭnik śmiarotnaha DTZ — 27-hadovy hramadzianin Biełarusi.
![](http://nnexpictures.fra1.digitaloceanspaces.com/img/w732d4webp1/photos/z_2022_11/nbksuhl2hfcummu0i76brnop2z3z8zj21ideh_fh_nkupxuadyxtjhou4mvo6bcvozkf9gqve5q_cpawk214lywk9g1n5hoclrzyiltdhydqqze6vf76a-oatpp.jpg.webp)
Avaryja adbyłasia ŭ centry Maskvy na vulicy 1905 hoda. Kiroŭca taksi spyniŭsia na prypynku hramadskaha transpartu, kab padabrać pasažyrku. Žančyna ledź paśpieła sieści ŭ taksi i zakryć dźviery, jak u aŭtamabil na poŭnaj chutkaści ŭrezaŭsia vialikahruz.
Momant DTZ patrapiŭ na videa:
Hruzavik u litaralnym sensie słova ŭpiačataŭ mašynu taksi ŭ aŭtobus, jaki stajaŭ dalej na prypynku.
Kiroŭca i pasažyrka taksi zahinuli na miescy. Aŭtamabil taksi paśla sutyknieńnia pieraŭtvaryŭsia ŭ hrudu mietałałomu.
![](http://nnexpictures.fra1.digitaloceanspaces.com/img/w732d4webp1/photos/z_2022_11/nbksuhl2hfcummu2jl6brnop2z3z8zj21ideh_fh_nkupxuadyxtjhou4mvo6bcvozkf9gqve5q_cpawk214lywk9g1n5ho8qrmc3_erchadmnqgx77eg-vy8ki.jpg.webp)
Vinoŭnik DTZ źnik ź miesca zdareńnia. Rasijskija pravaachoŭniki miarkujuć, što za styrnom hruzavika byŭ hramadzianin Biełarusi 1995 hoda naradžeńnia. Palicyja šukaje Viačasłava Pivavarava — uradženca horada Kalinkavičy Homielskaj vobłaści.
Kamientary