Pientahon: Na vajnie va Ukrainie byli zabityja ci paranienyja bolš za 100 tysiač rasijskich vajskoŭcaŭ
Kiraŭnik Abjadnanaha kamiteta načalnikaŭ štaboŭ ZŠA Mark Mili zajaviŭ, što na vajnie va Ukrainie byli zabityja i paranienyja bolš za 100 tysiač rasijskich vajskoŭcaŭ — i ŭzbrojenyja siły Ukrainy, vierahodna, taksama panieśli straty padobnaha maštabu, paviedamlaje Bi-bi-si.
Padčas vystupu ŭ Ekanamičnym kłubie Ńju-Jorka Mili taksama paviedamiŭ, što pavodle jaho acenak, byli taksama zabityja kala 40 tys. mirnych hramadzian Ukrainy.
«Havorka idzie pra kolkaść zabitych i paranienych rasijskich vajskoŭcaŭ na ŭzroŭni značna bolš za 100 tysiač. Vierahodna, toje ž samaje — z ukrainskaha boku. Heta vielizarnyja maštaby čałaviečych pakut», — skazaŭ Mili.
Mili nie ŭdakładniŭ, jakim čynam jon atrymaŭ hetyja źviestki.
Hienieralny štab Uzbrojenych Sił Ukrainy zajaŭlaje, što pavodle źviestak na 9 listapada, na vajnie byli zabityja bolš za 77 tysiač rasijskich vajskoŭcaŭ.
Ministerstva abarony Rasiei apošni raz paviedamlała ab stratach 21 vieraśnia, ukazvajučy pra hibiel 5937 čałaviek.
Adnak Ruskaja słužba Bi-bi-si, jakaja viadzie pajmienny śpis strat rasijskich vajskoŭcaŭ va Ukrainie sumiesna z vydańniem «Miedyjazona» i kamandaj vałancioraŭ, na toj momant sabrała danyja ab bolš za 6200 zahinułych. Ale heta tolki paćvierdžanyja paviedamleńni ab hibieli, tamu sabranyja danyja nie adlustroŭvajuć realny ŭzrovień strat.
U pačatku leta ŭkrainskija ŭłady zajaŭlali, što na vajnie zahinuli kala 10 tysiač vajskoŭcaŭ USU.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary