ES pavialičyŭ zakupki zvadkavanaha pryrodnaha hazu da 100 miljardaŭ kubamietraŭ
Z pačatku hoda krainy Jeŭrasajuza zakupili bolš za 100 młrd kubamietraŭ zvadkavanaha pryrodnaha hazu, što ŭžo značna vyšej za abjom za ŭvieś 2021-y i navat pieravyšaje zakupki Kitaja, byłoha «lidara» ŭ spažyvańni hetaha vidu paliva.
U studzieni-kastryčniku 2022 hoda suśvietnyja pastaŭki zvadkavanaha pryrodnaha hazu (ZPH) u 27 krain-členaŭ ES skłali 105 młrd kubamietraŭ, padličyła daśledčaja kampanija Kpler.
Dla paraŭnańnia: za anałahičny pieryjad 2021-ha hety pakazčyk byŭ na ŭzroŭni 64 młrd kubamietraŭ, a za ŭvieś minuły hod krainy ES zakupili 78,1 młrd kubamietraŭ.
Vynik hetaha hoda pa abjomach zakupki akazaŭsia vyšejšy, čym u inšaha najbujniejšaha spažyŭca SPH — Kitaja: za pieršyja dziesiać miesiacaŭ 2022-ha jon zakupiŭ tolki 69,9 młrd kubamietraŭ suprać 87,5 młrd kubamietraŭ za anałahičny pieryjad 2021-ha.
Za ŭvieś minuły hod Kitaj zakupiŭ 108 młrd kubamietraŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary