Ździełka pa prodažy chołdynham Medicover dolaŭ u kampanijach «Sineva» i «Nieruchomaść Uschod», jak čakajecca, budzie zakryta ŭ IV kvartale 2022 hoda. Pra heta piša Office Life sa spasyłkaj na spravazdaču kampanii.
Biełaruskija aktyvy sama Medicover aceńvaje ŭ €14,5 młn. Vyručka chołdynha ŭ Biełarusi skłała ŭ minułym hodzie €21,7 młn., za dzieviać miesiacaŭ hetaha hoda — €15,3 młn.
U spravazdačy ŭdakładniajecca, što ździełka padlahaje «zvyčajnaj uchvale rehulujučych orhanaŭ» — «Sineva» i «Nieruchomaść Uschod» nie ŭvachodziać u śpis kampanij, dla jakich uviedziena zabarona na adčužeńnie dolaŭ zamiežnymi ŭłaśnikami.
Synevo — samaja bujnaja na siońniašni dzień dyjahnastyčnaja sietka Biełarusi, u jakuju ŭvachodziać łabaratoryja i kala 60 punktaŭ zdačy analizaŭ u 25 haradach krainy. U joj pracuje bolš za 500 supracoŭnikaŭ. Pieršy dyjahnastyčny centr adkryŭsia ŭ Minsku ŭ 2009 hodzie.
Uładalnikam sietki i brenda zjaŭlajecca šviedski chołdynh Medicover, jakomu naležać miedcentry i łabaratoryi ŭ Polščy, Niamieččynie, Rumynii, Ukrainie, Hruzii, Małdovie, Sierbii i Bałharyi. Zasnavalnikam Medicover zjaŭlajecca Jonas af Joknik, viadomy biełarusam pa svaim inšym prajekcie — Oriflame. Jaho naśledniki kantralujuć Medicover praz Celox Holding.
Kamientary