Spravu hrodzienskaha žurnalista i siabra «Sajuza palakaŭ Biełarusi» pačnuć razhladać u Hrodzienskim abłasnym sudzie 28 listapada. Sudździa — Dźmitryj Bubienčyk, paviedamlajuć pravaabaroncy.
Andreja abvinavačvajuć pavodle č. 3 art. 130 KK (ździajśnieńnie hrupaj asob naŭmysnych dziejańniaŭ, nakiravanych na raspalvańnie nacyjanalnaj, relihijnaj varožaści i varožaści pa prykmiecie nacyjanalnaj, relihijnaj, moŭnaj prynaležnaści, i ździajśnieńnie naŭmysnych dziejańniaŭ pa reabilitacyi nacyzmu) i č. 3 art. 361 KK (zakliki da mier abmiežavalnaha charaktaru (sankcyj), nakiravanych na pryčynieńnie škody nacyjanalnaj biaśpiecy).
Palitviaźnia zatrymali 25 sakavika 2021 hoda ŭ Hrodnie. Uvosień 2021 hoda Pačobut admoviŭsia pisać prašeńnie ab pamiłavańni na imia Łukašenki. 4 kastryčnika KDB dadaŭ žurnalista ŭ śpis asobaŭ, datyčnych da terarystyčnaj dziejnaści.
Padtrymajcie Pačobuta pasyłkami, telehramami i listami: Turma № 1. 230023, h. Hrodna, vuł. Kirava, 1, Andrej Stanisłavavič Pačobut
Kamientary