SK ab spravie TUT.by: Fihuranty kampiensavali škodu dziaržavie ŭ kratnym pamiery
Fihuranty spravy «Tut Baj Miedyja» apłacili škodu dziaržavie ŭ kratnym pamiery. Takuju infarmacyju ahučyŭ žurnalistam staršynia Śledčaha kamiteta Dźmitryj Hora, piša BIEŁTA.
«Sprava «Tut Baj Miedyja» ŭ bližejšy čas budzie pieradadziena prakuroru dla nakiravańnia ŭ sud. Šerah fihurantaŭ padali prašeńni ab vyzvaleńni ich ad kryminalnaj adkaznaści za ździajśnieńnie padatkovych złačynstvaŭ. Dakładnyja sumy škody ja zaraz nazyvać nie mahu, ale heta vielmi značnaja suma. Škoda kampiensavanaja, i kampiensavanaja ŭ kratnym pamiery», — skazaŭ Dźmitryj Hora.
Učora stała viadoma, što fihuranty spravy paznajomilisia z materyjałami, u chutkim časie jana budzie pieradadzienaja prakuroru.
Dvoje fihurantaŭ, jakija dahetul znachodziacca ŭ SIZA, — heta hienieralny dyrektar «Tut Baj Miedyja» Ludmiła Čekina i redaktar TUT.by Maryna Zołatava.
Paśla taho, jak ich ŭklučyli ŭ śpis «asob, jakija majuć dačynieńnie da terarystyčnaj dziejnaści», stała viadoma, što jany abvinavačvajucca pa dvuch «ekstremisckich» artykułach: art. 130 (raspalvańnie sacyjalnaj varožaści) i art. 361 (zakliki da sankcyj i inšych dziejańniaŭ, nakiravanych na pryčynieńnie škody nacbiaśpiecy) KK Biełarusi.
Pahrom TUT.by adbyŭsia paŭtara hoda tamu, 18 maja 2021 hoda. Tady byli aryštavanyja 15 čałaviek.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary