Prezident Ukrainy Uładzimir Zialenski zaklikaŭ ukraincaŭ ekanomić elektraenerhiju na fonie pazapłanavych adklučeńniaŭ, jakija adbylisia va ŭsioj krainie ŭ paniadziełak.
«Siońnia našym enierhietykam pryjšłosia prymianić nie tolki stabilizacyjnyja adklučeńni elektryčnaści, ale i pazapłanavyja. Heta vyklikana bolšym uzroŭniem spažyvańnia, čym kraina moža zabiaśpiečyć u ciapierašni čas. Tamu chaču ciapier źviarnucca da ŭsich pradstaŭnikoŭ abłasnoj ułady i miascovych supołak: kali łaska, nie spyniajcie kamunikacyju pa racyjanalnym spažyvańni elektryčnaści», — skazaŭ Zialenski ŭ viačernim zvarocie.
Pavodle jaho słoŭ, samaja składanaja situacyja skłałasia ŭviečary ŭ paniadziełak u Kijevie i vobłaści, a taksama ŭ Vińnickaj, Sumskaj, Ciarnopalskaj, Čarkaskaj, Adeskaj abłaściach i ŭ niekatorych inšych haradach i rajonach.
«Kali łaska, u tych rehijonach, dzie bolš za ŭsio składanaściej z dnia na dzień, asabliva ŭ pikavyja hadziny spažyvańnia, starajciesia abmiažoŭvać asabistaje vykarystańnie elektryčnaści. Viadoma, pavinien być vielmi ekanomny padychod i ŭ publičnych miescach», — dadaŭ Zialenski.
Kampanija «Ukrenierha» paviedamiła, što ŭ aŭtorak płanavyja adklučeńni elektryčnaści zakranuć usie rehijony krainy.
«Ukrainskaja enierhasistema ŭsio jašče całkam nie ŭznaviłasia ad šaści chvalaŭ rakietnych udaraŭ i nie moža pracavać na poŭnuju mahutnaść», — zajavili ŭ kampanii.
Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju4
Kamientary