AP zvolniła žurnalista, jaki paviedamiŭ pra padzieńnie rasijskaj rakiety ŭ Polščy
Ahienctva Associated Press zvolniła svajho žurnalista, jaki prynios infarmacyju ab «rasijskaj rakiecie», što ŭpała na terytoryi Polščy.
Hetuju navinu sa spasyłkaj na krynicu ŭ raźviedcy AP apublikavała adrazu ŭ dzień incydentu. Ale na nastupnuju ranicu vypuściła ŭžo supraćlehły insajd — pra toje, što rakieta naležała ŭkrainskaj SPA.
Paźniej hetuju infarmacyju paćvierdzili aficyjna na Zachadzie (Ukraina ž takich paćvierdžańniaŭ nie davała).
Paśla vychadu naviny pra «rasijskuju rakietu» AP zvolniła jaje aŭtara — Džejmsa ŁaPortu.
Jamu ŭ pretenziju pastavili parušeńnie adnaho z praviłaŭ ahienctva ab znachodžańni jak minimum dźviuch krynic.
Kamientary