Ofis Cichanoŭskaj budzie zmahacca z čerhami ŭ vizavych centrach
U Ofisie Cichanoŭskaj zajavili ab namiery zmahacca z pasiarednikami ŭ elektronnych čerhach usich vizavych centraŭ u Minsku. Pra heta daradca demakratyčnaha lidara pa źniešniepalityčnych spravach Franak Viačorka paviedamiŭ «Pozirku».
28 listapada polskija vizavyja centry ŭ stalicy i rehijonach pačnuć vieryfikacyju klijentaŭ praź Mižbankaŭskuju sistemu identyfikacyi. Vieryfikacyjny kod budzie sapraŭdny na praciahu hadziny, paśla 10 sprobaŭ vieryfikacyi klijent budzie časova zabłakavany.
«Heta vynik našaj pracy. Heta tolki pieršy, ale važny krok», — zajaviŭ Viačorka.
Pavodle jaho słoŭ, mnohija kampanii-pasiaredniki złoŭžyvali sistemaj braniravańnia dat na padaču vizavych dakumientaŭ, što pryviało da vialikich čerhaŭ, vizu davodziłasia čakać miesiacami, a jaje košt uźnimaŭsia ŭ razy.
«Pakul prablema całkam nie vyrašana, i my budziem pracavać nad tym, kab usie vizavyja centry, jakija pracujuć u Minsku, pryniali takija miery, kab praduchilić złoŭžyvańni», — skazaŭ daradca Cichanoŭskaj.
Kamientary