Ministerstva adukacyi i navuki Łatvii płanuje z 2026/2027 navučalnaha hoda zabaranić školnikam vybirać ruskuju movu ŭ jakaści druhoj zamiežnaj, piša Bi-bi-si.
Zhodna z płanam, druhoj zamiežnaj movaj va ŭsich navučalnych ustanovach krainy moža być tolki adna z aficyjnych moŭ ES. Vyklučeńnie budzie zroblena dla moŭ, vyvučeńnie jakich rehulujecca asobnymi mižuradavymi damovami.
Pakolki ruskaja mova nie źjaŭlajecca movaj ES i nie fihuruje ŭ adpaviednych mižnarodnych dahavorach, faktyčna heta aznačaje zabaronu na jaje vyvučeńnie ŭ škołach jak druhoj zamiežnaj.
Na siońniašni dzień pieršuju zamiežnuju movu ŭ łatvijskich škołach vučać užo ź pieršaha kłasa, i čaściej za ŭsio heta anhlijskaja.
Druhuju zamiežnuju pačynajuć vučyć z čaćviortaha kłasa, i jaje vybar zakanadaŭča pakul nijak nie rehulujecca. Bolš za toje, jak pakazała praviedzienaje ŭ 2021 hodzie apytańnie, amal u pałovie łatvijskich škoł nijakaha vybaru niama: bolš čym u 300 škołach u jakaści druhoj zamiežnaj prapanujecca tolki ruskaja.
U Ministerstvie adukacyi Łatvii zychodziać z taho, što zapłanavanyja źmieny «buduć spryjać paŭnavartasnamu ŭklučeńniu moładzi ŭ adukacyjnuju prastoru Jeŭropy».
Kamientary