Za sutki ŭ Biełarusi da miedykaŭ źviarnulisia 237 čałaviek z-za hałalodnych i chaładovych traŭmaŭ. Miedyki zaklikajuć być aściarožnymi
Najbolš paciarpieła ludziej u Bresckaj i Minskaj abłaściach.
Tak, u Bresckaj vobłaści da miedykaŭ źviarnulisia 55 paciarpiełych. Špitalizavanyja z hałalodnymi traŭmami12 pacyjentaŭ, inšyja atrymali dapamohu ambułatorna.
U Minskaj vobłaści źviarnulisia da miedykaŭ 47 čałaviek, ź ich špitalizavanyja piaciora. Hałalodnyja traŭmy atrymali 44 pacyjenty, troje — chaładovyja.
Miedycynskaja dapamoha ŭ Homielskaj vobłaści spatrebiłasia 32 pacyjentam, adzin ź ich špitalizavany. Va ŭsich paciarpiełych hałalodnyja traŭmy.
U Hrodzienskaj vobłaści da miedykaŭ źviarnuŭsia 31 pacyjent, špitalizavanyja troje. Va ŭsich hałalodnyja traŭmy.
U Mahiloŭskaj vobłaści paciarpieli 30 pacyjentaŭ. U 29 paciarpiełych dyjahnastavany hałalodnyja traŭmy, u adnaho — chaładovaja. Adzin čałaviek trapiŭ u balnicu.
U Viciebskaj vobłaści paciarpieli 26 čałaviek — usie jany atrymali ambułatornuju dapamohu.
A ŭ Minsku dapamoha spatrebiłasia 16 paciarpiełym, ź jakich adzin špitalizavany. Va ŭsich dyjahnastavany hałalodnyja traŭmy.
U suviazi sa źmianieńniem umoŭ nadvorja Ministerstva achovy zdaroŭja nahadvaje ab aściarožnaści.
Patencyjna traŭmaniebiaśpiečnymi miescami ŭ pieryjad hałalodu źjaŭlajucca prystupki padjezdaŭ, padziemnych pierachodaŭ, u tym liku mietrapalitena, prypynki hramadskaha transpartu, horki, u tym liku dziciačyja. Kali traŭmy paźbiehnuć nie ŭdałosia, važna źviarnucca ŭ bližejšy traŭmapunkt.
Kamientary