Hutarka Łukašenki z Hrybaŭskajte pazbaviła jeŭrapiejcaŭ iluzij.
Da 16 listapada ministry zamiežnych spravaŭ ES pavinny vyrašyć, što rabić ź vizavymi sankcyjami suprać łukašenkaŭcaŭ.
Jany byli ŭviedzienyja ŭ adkaz na ŭmacavańnie ŭ Biełarusi dyktatury. Družba z Rasijaj suprać Jeŭropy była taksama pryčynaj dla ich. Ale pačaŭsia flirt ź ES i ścipłaja libieralizacyja — i sankcyi prypynili da vosieni.
Jeŭrapiejcy chacieli b skasavać ich zusim. Dla admieny treba padstava. A nivodnaha novaha kroku nasustrač łukašenkaŭskaja administracyja nie zrabiła.
Vybarčaje zakanadaŭstva zastajecca niaźmiennym: padlik hałasoŭ bieskantrolny, jak i raniej. Palitviazień Arciom Dubski praciahvaje siadzieć. Biełaruskaja chryścijanskaja demakratyja zamiest rehistracyjnaha paśviedčańnia atrymała vykryvalnicki film na BT. Bolš za toje, AMON biaźlitasna raśsiejaŭ akcyju pratestu suprać biełaruska‑rasijskich manieŭraŭ. Sami ž vučeńni adpracoŭvali scenar ryŭka biełaruskich vojskaŭ praz terytoryju Litvy da Bałtyki, na dapamohu Kalininhradu.
Niamiecki pasoł u Minsku ŭ intervju na tym tydni ź niedvuchsensoŭnaj horyčču namiaknuŭ na adsutnaść kankretyki ź biełaruskaha boku. «Usio, što ad nas patrabavałasia, my zrabili», — zajaviŭ Łukašenka ŭ Vilni miž tym.
Łabistam režymu vystupiła Italija. Ministr zamiežnych spravaŭ Franka Fracini pabyvaŭ u Minsku.
U toj ža čas Hałandyja nastrojenaja na viartańnie sankcyj. Kiraŭnik jaje dypłamatyi Maksim Vierchahien sustreŭsia ź lideram Ruchu «Za Svabodu» Alaksandram Milinkievičam i Paŭłam Sieviaryncam, aplavanym na BT .
Hutarka Łukašenki z Hrybaŭskajte pazbaviła jeŭrapiejcaŭ iluzij.Nie vyklučana, što vynikovaje rašeńnie moža być pałavinistym: suprać pałovy śpisu sankcyi buduć źniatyja, a suprać druhoj budzie praciahnutaje prypynieńnie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary