Eryksan: Biełaruskaje hramadstva hatova da abmierkavańnia pytańnia ab pakarańni śmierciu
Pra heta zajaviŭ pasoł Šviecyi na pres-kanfierencyi, pryśviečanaj Jeŭrapiejskamu dniu baraćby suprać pakarańnia śmierciu.
Biełaruskaje hramadstva hatova da abmierkavańnia pytańnia ab pakarańni śmierciu.Takuju dumku vykazaŭ siońnia, 12 kastryčnika, Nadzvyčajny i Paŭnamocny Pasoł Šviecyi ŭ Biełarusi Stefan Eryksan na pres‑kanfierencyi, pryśviečanaj Jeŭrapiejskamu dniu baraćby suprać pakarańnia śmierciu.
«My zaŭvažyli, što ŭ apošnija hady ŭ Biełarusi źmienšyłasia kolkaść pryhavoranych da vyšejšaj miery pakarańnia. U biełaruskim hramadstvie pa inicyjatyvie ŭład pačałosia abmierkavańnie mahčymaści ŭviadzieńnia maratoryju na prymianieńnie śmiarotnaj kary, u parłamiencie stvorana rabočaja hrupa, jakaja budzie vyvučać heta pytańnie», — skazaŭ jon.
Pavodle słoŭ Stefana Eryksana, Jeŭrasajuz vitaje hetyja kroki biełaruskich uład i spadziajecca, što pačataja dyskusija budzie mieć pradaŭžeńnie i zavieršycca ŭviadzieńniem maratoryju.
«Ale pakul u Biełarusi pakarańnie śmierciu prymianiajecca, my budziem uźnimać heta pytańnie spadziejučysia pierakanać uładu», — skazaŭ jon. Pry hetym pasoł padkreśliŭ, što nichto nie moža prymusić Biełaruś abo jakuju‑niebudź inšuju dziaržavu, jakaja prymianiaje śmiarotnuju karu, pryniać rašeńnie ab uviadzieńni maratoryju.
Adkazvajučy na pytańni žurnalistaŭ ab nieabchodnaści praviadzieńnia refierendumu pa pytańniu ŭviadzieńnia maratoryju na pakarańnie śmierciu, pasoł Šviecyi adznačyŭ, što kožnaja kraina sama vyrašaje, jakija refierendumy pravodzić. U toj ža čas jon ličyć, što jość pytańni, jakija nie varta vynosić na ŭsieahulnaje abmierkavańnie, i śmiarotnaja kara — adno ź ich. Hałoŭnaje — nie refierendum, a kab ułady zaniali ćviorduju pryncypovuju pazicyju, skazaŭ jon.
Stefan Eryksan taksama adznačyŭ, što pakarańnie śmierciu prymianiajecca ŭ mnohich krainach śvietu, u tym liku ŭ ZŠA. «Heta adno z pytańniaŭ, pa jakich u ES i ZŠA niama zhody», — dadaŭ jon.‑
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary