Pra heta zajaviŭ 12 kastryčnika na pres‑kanfierencyi ŭ Minsku kiraŭnik pradstaŭnictva Jeŭrakamisii ŭ Biełarusi Žan‑Eryk Cholcapfiel.
«Maratoryj, paźniej i sucelnaja admova ad praktyki śmiarotnych pakarańniaŭ nami razhladajecca jak adna z asnoŭnych umovaŭ ustupleńnia Biełarusi ŭ Radu Jeŭropy», — skazaŭ ambasadar Šviecyi u Biełarusi spadar Eryksan.
«My hłyboka zakłapočanyja situacyjaj vakoł śmiarotnych pakarańniaŭ u Biełarusi. Niadaŭna ŭ Biełarusi znoŭ byŭ vyniesieny śmiarotny prysud, i heta amal što supadaje pa časie ź Jeŭrapiejskim dniom suprać śmiarotnaha pakarańnia. Havorka idzie pra śmiarotny prysud Vasilu Juzepčuku. Nahadaju, što Jeŭrasajuz vykazaŭ z hetaj nahody vialikuju zakłapočanaść u śpiecyjalnaj zajavie», — skazaŭ 12 kastryčnika na pres‑kanfierencyi ŭ Minsku kiraŭnik pradstaŭnictva Jeŭrakamisii ŭ Biełarusi Žan‑Eryk Cholcapfiel.
Na pres‑kanferencyi, jakaja adbyłasia ŭ pradstaŭnictvie Jeŭrakamisii ŭ Biełarusi, vystupiŭ taksama Stefan Eryksan, ambasadar Šviecyi, jakaja ciapier staršyniuje ŭ Biełarusi. «Maratoryj, paźniej i sucelnaja admova ad praktyki śmiarotnych pakarańniaŭ nami razhladajecca jak adna z asnoŭnych umovaŭ ustupleńnia Biełarusi ŭ Radu Eŭropy», — skazaŭ Eryksan.
Biełaruś zastajecca adzinaj krainaj ŭ Jeŭropie, dzie ŭžyvajuć śmiarotnaje pakarańnie. Pavodle nieaficyjnych krynic z 1997 hoda tut było pakarana śmierciu bolš za 160 čałaviek i tolki adzin pamiłavany kiraŭnikom dziaržavy. Ciapier u Biełarusi dvum čałaviekam vyniesieny śmiarotny prysud.
U śviecie najbolš karajuć śmierciu u Kitai, Iranie, Saŭdaŭskaj Arabii, ZŠA i Pakistanie. U 2008 hodzie było pakarana 2390 čałaviek.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary