Ministerstva infarmacyi admoviła ŭ rehistracyi ŭžo treciaj niedziaržaŭnaj rehijanalnaj haziecie za karotki čas.
Ministerstva infarmacyi admoviła ŭ rehistracyi niedziaržaŭnaj rehijanalnaj haziecie «Mahiloŭski čas» z pryčyny adsutnaści vyšejšaj adukacyi ŭ hałoŭnaj redaktarki.
Pra heta paviedamiŭ siońnia ŭ telefonnaj hutarcy z hałoŭnaj redaktarkaj vydańnia Hannaj Iljinoj supracoŭnik ministerstva Viktar Hurecki. Aficyjnaha lista ź Mininfarmacyi žurnalistka pakul nie atrymała.
Dakumienty na rehistracyju spadarynia Iljina nakiravała 10 vieraśnia. «Mahiloŭski čas» płanavaŭsia jak vydańnie hramadska‑palityčnaj tematyki. Dahetul hazieta niekalki hadoŭ vychodziła jak małafarmatnaje vydańnie nakładam da 299 asobnikaŭ.
Jurysty BAŽ źviartajuć uvahu na toje, što ŭ zakonie «Ab ŚMI» (art. 15 — «Padstavy dla admovy ŭ dziaržaŭnaj rehistracyi ŚMI») pryviedzieny vyčarpalny pieralik vypadkaŭ admovy. «Takoj padstavy, jak adsutnaść vyšejšaj adukacyi ŭ redaktara, tam niama, — padkreślivaje namieśnik staršyni BAŽ Andrej Bastuniec. — Naohuł, hetkich dakumientaŭ dla rehistracyi vydańniaŭ nie patrabujecca. Heta značyć, što Mininfarmacyi bieź viedama Hanny Iljinoj źbirała asabistyja źviestki pra jaje asobu».
Nahadajem, što paśla ŭstupleńnia ŭ siłu novaha zakona «Ab ŚMI» Mininfarmacyi zarehistravała šerah niedziaržaŭnych vydańniaŭ — u tym liku ahulnapalityčnuju «Uzhorak», «Piŭnuju hazietu» dla volnaha času, rekłamnyja i zabaŭlalnyja haziety.
U kancy vieraśnia Ministerstva infarmacyi nie zarehistravała dźvie niedziaržaŭnyja infarmacyjna‑analityčnyja rehijanalnyja haziety «Salihorsk plus» i «Novuju hazietu Bobrujska»,spasłaŭšysia na toje, što ŭ žyłych pamiaškańniach nielha zajmacca vytvorčaj dziejnaściu. Choć takoj padstavy dla nierehistracyi zakon nie praduhledžvaje. Havorka idzie tolki pra vydaču licenzii — paśviedčańnia, a nie samu dziejnaść. Nonsensam było b zdymać vytvorčyja pamiaškańni zadoŭha da pačatku vytvorčaj dziejnaści i nie majučy licenzii.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary