U Minsku, Homieli i Mahilovie bolš nielha padacca na polskuju vizu PBH
Dakumienty na polskuju vizu PBH pierastali prymać u Minsku, Homieli, Mahilovie. Abviestka pra novyja abmiežavańni pry padačy na vizy źjaviłasia na sajcie VFS 29 listapada.
U abviestcy havorka tolki pra zapis na padaču, adnak čytačy kažuć, što z prablemaj sutyknulisia i tyja, chto zapisaŭsia na PBH u paznačanyja vizavyja centry niezadoŭha da 29 listapada, paviedamlaje Devby.
— Navinu apublikavali tolki bližej da nočy 29-ha, i ŭ joj havorycca tolki pra zapis na padaču, — raskazaŭ čytač. — Tearetyčna ŭsie, chto paśpieŭ zapisacca, prachodziać. Ale pa telefonach ciapier kažuć, što doki nie prymuć i ŭ tych, chto zapisaŭsia da 29-ha.
Padobnuju infarmacyju raźmiaściŭ i telehram-kanał Poland.Business Harbour_Belarus. Tam padkreślivajuć, što ŭ tych, chto zapisaŭsia ŭ Minsk/Homiel/Mahiloŭ, ad 28 listapada dakumientaŭ nie prymuć.
Pry hetym novyja abmiežavańni tyčacca tolki asabistaj padačy. Pa śpisach PAIH (śpisach kampanij, zaćvierdžanych Polskim ahienctvam inviestycyj i handlu, Polish Investment and Trade Agency) pa-raniejšamu možna padavacca ŭsiudy.
Dla padačy na PBH u asabistym paradku ciapier zastajucca tolki Brest, Pinsk i Baranavičy. Zarehistravanyja ŭ Hrodzienskaj vobłaści taksama mohuć padacca ŭ Hrodnie i Lidzie.
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»5
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka75
Kamientary